‘విక్రమార్కుడు 2’ అప్‌డేట్.. కానీ హీరో, డైరెక్టర్ చేంజ్..! మరి ఎవరంటే..?
దిశ, సినిమా: మాస్ మహారాజా రవితేజ, దర్శకధీరుడు రాజమౌళి కాంబినేషన్‌లో వచ్చిన సినిమా ‘విక్రమార్కుడు’. 2006లో వచ్చిన ఈ సినిమా అప్పట్లో సూపర్ హిట్ సక్సెస్‌ను అందుకుంది. దాదాపు 18 ఏళ్లు పూర్తి చేసుకున్న ఈ చిత్రం ఇప్పుడు సీక్వెల్‌కు సిద్ధం అయినట్లు కొద్ది రోజుల నుంచి వార్తలు వైరల్ అవుతున్నాయి. ఈ చిత్ర నిర్మాత కేకే రాధా మోహన్ ఇటీవలె ఓ ప్రమోషన్స్‌లో పాల్గొని ‘విక్రమార్కుడు’ మూవీ గురించి మాట్లాడాడు. కథ రెడీగానే ఉంది కానీ, దీనికి ఇంకా రవితేజ గ్రీన్ సిగ్నల్ ఇవ్వలేదని చెప్పారు. ఆయనను ఒప్పించే ప్రయత్నంలో ఉన్నామని తెలిపారు. ఇదిలా ఉంటే.. ఇప్పుడు తాజా సమాచారం మేరకు.. డైరెక్టర్ కూడా మారే చాన్సెస్ ఉన్నట్లు తెలుస్తోంది.
రాజమౌళి ప్రస్తుతం మహేశ్ బాబు ‘SSMB 29’ సినిమాతో బిజీగా ఉన్నారు. దీంతో ప్రజెంట్ ఆయన మరొక మూవీకి టైం ఇచ్చే పరిస్థితుల్లో లేరని తెలుస్తొంది. పైగా ఇప్పుడు రాజమౌళి అన్నీ పాన్ ఇండియా చిత్రాలే తెరకెక్కించడంతో.. ‘విక్రమార్కుడు 2’ కి దర్శకత్వం వహిస్తారో లేదో అనేది పెద్ద సస్పెన్స్. దీంతో రవితేజ కూడా వెనుకడుగు వేస్తున్నారట. అయితే.. ప్రస్తుతం రాజమౌళిని కన్విన్స్ చేసే ప్రయత్నంలో ఉన్నారని నెట్టింట వార్తలు చక్కర్లు కొడుతున్నాయి. ఒకవేళ కనుక ఈ సినిమాను డైరెక్ట్ చేసేందుకు రాజమౌళి ఒప్పుకోకపోతే దర్శకుడు సంపత్ నంది ఈ సినిమాకు దర్శకత్వం వహిస్తాడు అంటూ కొత్త నేమ్ తెరపైకి వచ్చింది. ఈ ‘విక్రమార్కుడు’ సీక్వెల్ ఏమోకానీ, రోజుకో కొత్త వార్త నెట్టింట చక్కర్లు కొట్టడంతో.. అసలు పార్ట్ 2 ఉంటుందా లేదా అనే ఆలోచనలో పడ్డారు ఫ్యాన్స్.
