త్రివిక్రమ్ డైరెక్షన్‌కు దూరం.. ఎందుకో తెలుసా?
దిశ, సినిమా: తన మాటలతో ప్రేక్షకులను కట్టిపడేసే సత్తా ఉన్న టాలీవుడ్ దర్శకుడు త్రివిక్రమ్. అందుకే ఆయనను మాటల మాంత్రికుడు అని అంటారు. ఇప్పటికే దాదాపు అందరు స్టార్ హీరోలతో ఎన్నో అద్భుతమైన సినిమాలను, ప్రేక్షకుల ముందుకు తీసుకువచ్చిన త్రివిక్రమ్ తాజాగా ‘గుంటూరు కారం’ తో వచ్చాడు. ఎన్నో అంచనాల నడుమ ప్రేక్షకుల ముందుకు వచ్చిన ఈ మూవీ ప్రేక్షకుల అంచనాలను మాత్రం చేరుకోలేకపోయింది. దీంతో ఒక్కసారిగా ఉన్నట్టుండి దర్శకుడి చుట్టూ గతంలో ఎన్నడూ లేనంత నెగిటివిటీ వచ్చి చేరింది. ఈ ఒక్క సినిమా తన రైటింగ్ ను, దర్శకత్వ సామర్థ్యాలను ప్రశ్నించేలా చేసింది. దీంతో ఆయన నెక్స్ట్ మూవీ ఎప్పుడు ఉంటుంది? ఎవరితో ఉంటుంది? అనేది క్లారిటీ లేక త్రివిక్రమ్ షాకింగ్ నిర్ణయం తీసుకున్నారని తెలుస్తుంది.
ఏంటీ అంటే తాజాగా త్రివిక్రమ్ ఇండస్ట్రీకి లాంగ్ బ్రేక్ ఇచ్చి ఒక మంచి స్క్రిప్ట్ తయారు చేసుకొని, స్ట్రాంగ్ కం‌బ్యాక్ ఇవ్వాలని నిర్ణయం తీసుకున్నాడట. అందుకే దర్శకత్వానికి కొద్ది రోజులు గ్యాప్ ఇవ్వబోతున్నట్లు సమాచారం. ఇక ఈ వ్యవధిలో ఆయన తన నిర్మాణ సంస్థ అయినటువంటి ‘ఫార్చ్యూన్ ఫోర్ సినిమాస్’ బ్యానర్ లో చిత్రాలు నిర్మించాలని అనుకుంటున్నాడట. కాగా ఇతర దర్శకులతో తన బ్యానర్ లో సినిమాలు చేస్తారంటూ వార్తలు వినిపిస్తున్నాయి. మరి ఇందులో ఎంతవరకు నిజం ఉందో తెలియాల్సి ఉంది.
