పండంటి బిడ్డకు జన్మనిచ్చిన టాలీవుడ్ హీరోయిన్..
దిశ, వెబ్‌డెస్క్: టాలీవుడ్ హీరోయిన్ ప్రణీత సుభాష్‌ అభిమానులకు గుడ్ న్యూస్ తెలిపింది. తాజాగా పండంటి బిడ్డకు (కూతురు) జన్మనిచ్చింది. సోషల్ మీడియా ద్వారా ప్రణీత సుభాష్‌ ఈ విషయాన్ని బయటపెడుతూ ఎమోషనల్ మెసేజ్ పోస్ట్ చేసింది. పొత్తిళ్లలోకి తీసుకున్న ఫొటోను సోషల్ మీడియాలో షేర్‌ చేసింది.
'పాప పుట్టినప్పటి నుంచి అంతా కలగా అనిపిస్తోంది. నాకు గైనకాలజిస్ట్‌ అయిన తల్లి ఉండటం నిజంగా, నా అదృష్టం. డాక్టర్‌ సునీల్‌ ఈశ్వర్‌, అతడి టీమ్‌ డెలివరీ సవ్యంగా జరిగేలా చూశారు. అలాగే డాక్టర్‌ సుబ్బు, అతడి బృందానికి కూడా ప్రత్యేక కృతజ్ఞతలు. ఈ స్టోరీ మీకు చెప్పకుండా ఉండలేకపోయాను' అంటూ వైద్యులతో దిగిన పలు ఫొటోలను తన ఇన్‌స్టాగ్రామ్ లో షేర్‌ చేసింది. తమ అభిమాన హీరోయిన్ తల్లయింది అని తెలిసి తెగ మురిసిపోతున్నారు ఫ్యాన్స్. ప్రణీత స్వయంగా ఈ విషయాన్ని చెప్పడంతో ఆమెకు సోషల్ మీడియా వేదికగా పెద్ద ఎత్తున శుభాకాంక్షలు తెలుపుతున్నారు.'కంగ్రాట్స్ మేడం' అంటూ సోషల్ మీడియాలో మోత మోగిస్తున్నారు.
