ఏపీ మాజీ సీఎం జగన్ పై కల్కీ నిర్మాత షాకింగ్ కామెంట్స్.. అతను అలా ఉండేవాడంటూ(వీడియో)
దిశ, సినిమా: పాన్ ఇండియా స్టార్ ప్రభాస్ హీరోగా, నాగ్ అశ్విన్ డైరెక్షన్‌లో తెరకెక్కిన ‘కల్కి 2898 ఏడీ’ మూవీ ప్రస్తుతం బాక్సాఫీస్ వద్ద రికార్డులు సృష్టిస్తుంది. అయితే ఈ మూవీ నిర్మాత అశ్వినీదత్ తాజాగా తన వైజయంతి మూవీస్ నిర్మాణ సంస్థ పెట్టి 50 ఏళ్లు, కల్కి సినిమా పెద్ద హిట్ అయిన సందర్భంగా ఓ స్పెషల్ ఇంటర్వ్యూలో పాల్గొన్నారు.
అయితే ఆ ఇంటర్వ్యూలో పాల్గొన్న అతన్ని.. కల్కి లాంటి పెద్ద సినిమా రిలీజ్ సమయంలో ప్రభుత్వానికి వ్యతిరేకంగా అలా ఎలా మాట్లాడారు అని యాంకర్ అడుగగా.. దీనికి అశ్వినీ దత్ మాట్లాడుతూ.. ఉన్న నిజాన్ని నిక్కచ్చిగా చెప్పడమే మా నాన్న గారు నాకు నేర్పించారు. మొహమాటం లేకుండా మాట్లాడమన్నారు. జగన్మోహన్ రెడ్డి గారి విషయంలో నేను ఎక్కడా డిఫర్ అవ్వలేదు. ముందు ఆయన చాలా ఫ్రెండ్లిగానే ఉండేవారు. మా రెండో అమ్మాయి పెళ్లికి కూడా ఆయన వచ్చారు. కానీ చంద్రబాబు గారిని జైల్లో పెట్టిన రోజూ మాత్రం వెళ్లి చాలా ఎమోషనల్‌గా మాట్లాడాను. 160కి పైగా సీట్లు వస్తాయి, చంద్రబాబు గారే సీఎం అవుతారు అని చెప్పాను. ఆ రేంజ్‌కి వెళ్లి మాట్లాడాను అని అన్నారు. దీంతో అశ్వినీదత్ చేసిన వ్యాఖ్యలు నెట్టింట వైరల్‌గా మారాయి.
కాగా మొదట్నుంచి కూడా ఎన్టీఆర్ అభిమాని, తెలుగుదేశం పార్టీ వ్యక్తి అయిన అశ్వినీ దత్ గతంలో వైఎస్ జగన్ ముఖ్యమంత్రిగా ఉన్నప్పుడు చంద్రబాబు అరెస్ట్ అవ్వగా అరెస్ట్‌కు వ్యతిరేకంగా 600 కోట్ల భారీ కల్కి సినిమా రిలీజ్ అయ్యే టైంమ్‌లో బయటకు వచ్చి చంద్రబాబు అరెస్టును ఖండించిన సంగతి తెలిసిందే.
