వాటికంటే షూటింగ్సే ముఖ్యమా?.. డబ్బులు సంపాదించాలన్న కోరిక.. లేక డెడికేషనా?

దిశ, వెబ్‌డెస్క్: ‘పెళ్లి సందD’ సినిమాతో టాలీవుడ్ ఎంట్రీ ఇచ్చిన బ్యూటీ శ్రీలీల. మొదటి సినిమాతోనే మంచి గుర్తింపు తెచ్చుకున్న ఈ అమ్మడు.. అప్పటి నుంచి వరుస సినిమాలు చేస్తూ బిజీ లైఫ్‌ను లీడ్ చేస్తుంది. ఇక ప్రస్తుతం మహేష్ బాబు ‘గుంటూరు కారం’ తో మరోసారి ప్రేక్షకుల ముందుకు వచ్చేందుకు సిద్ధంగా ఉంది. ఇదిలా ఉంటే.. శ్రీలీల ప్రస్తుతం ఎంబీబీఎస్ చివరి సంవత్సరం చదువుతున్న సంగతి తెలిసిందే. ఇప్పుడు పరీక్షలు జరుగుతున్న నేపథ్యంలో వారం రోజుల పాటు సినిమాలకు బ్రేక్ ఇచ్చి పరీక్షలు రాయడానికి వెళ్లిందని నెట్టింట వార్తలు వైరల్ అవుతున్నాయి. కానీ.. తాజా సమాచారం ప్రకారం షూటింగ్ కోసం పరీక్షలకు డుమ్మా కొట్టినట్లు తెలుస్తుంది.

మహేష్ బాబు హీరోగా తెరకెక్కుతున్న ‘గుంటూరు కారం’ సినిమా షూటింగ్ శరవేగంగా సాగుతోంది. ఈ మూవీని ఎట్టి పరిస్థితుల్లో సంక్రాంతికి రిలీజ్ చేయాలని భావిస్తున్న దర్శకనిర్మాతలు ఏ మాత్రం గ్యాప్ లేకుండా షూటింగ్‌లో స్పీడ్ పెంచారు. అయితే.. ఇప్పుడు శ్రీలీల పరీక్షలు రాసేందుకు వెళ్లడంతో సినిమా పెండింగ్‌లో పడుతోందని భావించిన మూవీ యూనిట్.. శ్రీలీలను సంప్రదించారట. ఈ క్రమంలోనే సినిమా కోసం పరీక్షలు త్యాగం చేసిన ఆమె.. తాను సప్లమెంటరీలో అయినా పరీక్షలు రాసుకుంటానని నిర్మాతలకు ఇబ్బంది కలిగితే తాను తట్టుకోలేనని చెప్పి వెనక్కి వచ్చి షూటింగ్‌లో పాల్గొంటుందని సమాచారం. ఈ వార్తలు నెట్టింట వైరల్ కావడంతో.. డబ్బులు సంపాదించాలన్న కోరిక.. లేక డెడికేషనా? సినిమా కోసం పరీక్షలను సైతం పక్కన పెట్టావంటూ నెట్టింట కామెంట్లు పెడుతున్నారు.