‘విక్రమార్కుడు 2’ పై సాలిడ్ అప్డేట్.. టైటిల్ కూడా సిద్ధం !
దిశ, సినిమా : టాలీవుడ్ మాస్ రాజా రవితేజ కెరీర్ బ్లాక్ బాస్టర్ మూవీస్‌లో ‘విక్రమార్కుడు’ ఒకటి. SS రాజమౌళి దర్శకత్వంలో తెరకెక్కిన ఈ చిత్రం తెలుగు ఇండస్ట్రీ లోనే ఓ బిగ్గెస్ట్ బ్లాక్ బస్టర్స్ లో ఒకటిగా నిలిచింది. దీంతో రవితేజ రెంజ్ ఒక్కసారిగా పెరిగిపోయింది. అలా ఈ ‘విక్రమార్కుడు’ సినిమా రవితేజ తప్ప ఇంకెవరు చేయరు అనడంలో ఎలాంటి అతిశయోక్తి లేదు. మరి ఇలాంటి చిత్రానికి పార్ట్ 2 అంటే కాస్త కష్టమైన పని అని చెప్పాలి.
ఎందుకంటే మొదటి సినిమా లోని సోల్ ని చెడగొట్టకుండా సీక్వెల్ తీయడం సాహసం తో కూడుకున్న పని. అయితే తాజాగా నిర్మాత కేకే రాధా మోహన్ ‘భీమా’ ప్రమోషన్స్‌లో భాగంగా ‘విక్రమార్కుడు 2’ ఉందా లేదా అనే దానిపై సాలిడ్ అప్డేట్ అందించారు.. ‘ ‘విక్రమార్కుడు 2’ కథ సిద్ధంగా ఉంది. కానీ ఈ సినిమాకు రవితేజ గారు ఇంకా గ్రీన్ సిగ్నల్ ఇవ్వడం లేదు. చెప్పాలంటే రవితేజ ఈ పార్ట్ 2 పై అంతగా ఆసక్తిగా లేరు. కానీ తనని ఒప్పించే ప్రయత్నం చేస్తున్నాను.ఈ సినిమాకి కూడా కథ విజయేంద్ర ప్రసాద్ గారే అందిస్తున్నారు. సంపత్ డైరెక్ట్ చేస్తాడు. రవితేజ గ్రీన్ సిగ్నల్ కోసం వేటింగ్.. మేము మాత్రం సిద్ధంగా ఉన్నాం. ఆల్రెడీ ‘విక్రమార్కుడు 2’ టైటిల్ రిజిస్టర్ కూడా చేయించా’ అని తెలిపారు రాధా మోహన్.
