Sai Pallavi: ‘అమరన్’ లో ఇందు రెబెకా వర్గీస్‌గా సాయిపల్లవి.. క్యూట్ వీడియో షేర్ చేసిన మేకర్స్
దిశ, సినిమా: కోలీవుడ్ స్టార్ హీరో శివ కార్తికేయన్ వరుస సినిమాల్లో నటిస్తూ ఇండస్ట్రీలో దూసుకుపోతున్నాడు. ఆయన ప్రస్తుతం రాజ్ కుమార్ పెరియసామి డైరెక్షన్‌లో ‘అమరన్’ మూవీ చేస్తున్నాడు. అయితే ఇందులో రాహుల్ బోస్ విలన్ పాత్రలో నటిస్తున్నాడు. అయితే దీనిని సోనీ పిక్చర్స్ ఇంటర్నేషనల్ ప్రొడక్షన్స్‌తో కలిసి హీరో కమల్ హాసన్ నిర్మిస్తున్నారు.
ఈ సినిమా ఆర్మీ అధికారి మేజర్ ముకుంద్ వరదరాజన్ జీవిత కథ ఆధారంగా తెరకెక్కుతోంది. అయితే ఇందులో భువన్ అరోడా, రాహుల్ బోస్ కీలక పాత్రలో కనిపించనున్నారు. దాదాపు రూ. 150 కోట్ల భారీ బడ్జెట్‌తో తెరకెక్కుతున్న ఈ మూవీ తెలుగు, తమిళంలో దీపావళి కానుకగా అక్టోబర్ 31న విడుదల కాబోతోంది. ఈ మూవీకి సంబంధించిన షూటింగ్ 75 రోజుల పాటు పూర్తి చేసుకున్నట్లు మేకర్స్ వెల్లడించి అందరిలో ఆసక్తిని పెంచారు. అలాగే శివ కార్తికేయన్ పోస్టర్ విడుదల చేశారు.
తాజాగా, అమరన్‌లో హీరోయిన్‌గా సాయిపల్లవి నటిస్తున్నట్లు అధికారికంగా వెల్లడించారు. అంతేకాకుండా ఆమె పాత్రకు సంబంధించిన ఇంట్రడక్షన్ వీడియోను షేర్ చేశారు. అయితే ఇందులో ఈ నేచురల్ బ్యూటీ మేజర్ సతీమణిగా ‘ఇందు రెబెకా వర్గీస్’ పాత్రలో నటిస్తోంది. ఇక సాయిపల్లవి, శివ కార్తికేయన్ కెమిస్ట్రీ నెటిజన్లను ఆకట్టుకుంటోంది. వీడియో క్యూట్‌గా ఉందని కామెంట్లు పెడుతున్నారు.
