జూబ్లీహిల్స్ రేప్ కేసుపై ఆర్జీవీ ఆసక్తికర వ్యాఖ్యలు.. ఆ కేసులో అతడే నిజాయితీ పరుడట!
దిశ, వెబ్‌డెస్క్ : సంచలన దర్శకుడు రామ్ గోపాల్ వర్మ తనదైన శైలిలో తరచూ షాకిస్తుంటాడు. ఆయన వ్యాఖ్యలు, అభిప్రాయాలు అందరి కంటే భిన్నంగా ఉంటాయి. అందుకే ఆయన ఏం మాట్లాడినా అది చర్చనీయాంశం అవుతుంది. అయితే ఇటీవల రాష్ట్రంలో సంచలనంగా మారిన జూబ్లీహిల్స్‌లో బాలికపై అత్యాచారం కేసుపై వివాదాస్పద డైరెక్టర్ రామ్ గోపాల్ వర్మ ట్విటర్ వేదికగా స్పందించారు. ''ఘటనకు సంబంధించినంత వరకు ఒక సామాన్యునిగా ఆలోచిస్తే.. ఎమ్మెల్యే రఘునందన్ రావు మాత్రమే నిజాయితీగా మాట్లాడుతున్నట్టు అనిపిస్తోంది. ఆయన తప్ప మిగిలిన వాళ్లంతా.. ఘటనను తప్పుదోవ పట్టించేందుకు వ్యూహాలు పన్నుతున్నట్టనిపిస్తోంది. ఇలాంటి ఘటనల్లో తప్పుదారి పట్టించేలా మాట్లాడటం బాధాకరమని'' ట్విట్టర్‌లో తనదైన శైలిలో అభిప్రాయపడ్డారు.
As far as the Jubilee Hills gang rape case is concerned, it seems to me as a common man that only @RaghunandanraoM seems to be truthful to the point and all others are using diversion tactics ..SAD
— Ram Gopal Varma (@RGVzoomin) June 7, 2022
