ఆ స్టార్ హీరో సినిమాకు భారీగా రెమ్యునరేషన్ డిమాండ్ చేస్తున్న రష్మిక.. ఎన్ని కోట్లంటే?
దిశ, సినిమా: టాలీవుడ్ స్టార్ హీరోయిన్ రష్మిక మందన్నా చలో మూవీతో ఇండస్ట్రీకి ఎంట్రీ ఇచ్చింది. ఎన్నో హిట్ చిత్రాల్లో నటించిన ఆమె ప్రస్తుతం క్రేజీ హీరోయిన్‌గా మారిపోయింది. ఇండస్ట్రీలోకి వచ్చిన అతి తక్కువ కాలంలోనే విపరీతమైన పాపులారిటీ తెచ్చుకుంది. ముఖ్యంగా పుష్ప మూవీతో పాన్ ఇండియన్ హీరోయిన్‌గా మారిపోయి వరుస అవకాశాలు కొట్టేసింది. ప్రస్తుతం ఈ అమ్మడు తెలుగు, హిందీ, తమిళంలో మూవీస్ చేస్తూ ఫుల్ బిజీ బిజీ లైఫ్‌ను గడుపుతోంది. ఇటీవల రష్మిక యానిమల్ మూవీలో బోల్డ్ సీన్స్ చేసి అందరినీ ఆశ్చర్యపరిచింది.
రష్మిక ప్రజెంట్ అల్లు అర్జున్‌లో పుష్ప-2, సల్మాన్ ఖాన్‌తో సికిందర్ మూవీస్ చేస్తోంది. దీనిని ఏఆర్ మురుగదాస్ తెరకెక్కిస్తున్నాడు. ఇదిలా ఉంటే.. తాజాగా, రష్మిక భారీగా రెమ్యునరేషన్ పెంచిందని సోషల్ మీడియాలో ఓ వార్త వైరల్ అవుతోంది. సల్మాన్ ఖాన్‌తో నటించే సినిమా కోసం ఏకంగా రూ. 15 కోట్ల రెమ్యునరేషన్ డిమాండ్ చేసిందని టాక్. ఆమెకున్న క్రేజ్‌ను దృష్టిలో పెట్టుకుని మేకర్స్ కూడా ఇచ్చేందుకు రెడీ అయ్యారట. ఇందులో నిజమెంత అనేది తెలియనప్పటికీ.. ప్రస్తుతం ఇదే వార్త సోషల్ మీడియాను షేక్ చేస్తోంది. దీంతో ఈ విషయం తెలిసిన వారంతా షాక్ అవుతున్నారు.
