అప్పుడే సీతమ్మగా సాయి పల్లవి జర్నీ స్టార్ట్ కానుంది.. ఇంట్రెస్టింగ్ డిటెయిల్స్
దిశ, సినిమా : నేషనల్ అవార్డ్ విన్నింగ్ ఫిల్మ్ మేకర్ నితీశ్ తివారీ దర్శకత్వంలో ఇతిహాస గాథ రామాయణం తెరకెక్కబోతున్నట్లు ఇప్పటికే వార్తలు వచ్చాయి. 2024లో తెరపైకి రాబోతున్న ఈ సినిమాలో రణ్‌బీర్ కపూర్, సాయి పల్లవి సీతారాములుగా కనిపించబోతుండగా.. యశ్ రావణాసురుడిగా నటించబోతున్నారు. కాగా లేటెస్ట్ రిపోర్ట్స్ ప్రకారం వచ్చే ఏడాది మార్చిలో ఈ మూవీ సెట్స్‌పైకి వెళ్లబోతుంది. ఆస్కార్ విన్నింగ్ వీఎఫ్ఎక్స్ కంపెనీ DNEG రామాయణ ప్రపంచాన్ని రూపొందించడంతో పాటు ఈ చిత్రాన్ని నిర్మిస్తుంది. కొత్త సాంకేతికతను పరిచయం చేయబోతుంది. ఇప్పటికే 3డీ స్కాన్స్ నుంచి ముగ్గురు లీడింగ్ యాక్టర్స్ టెస్ట్ కట్ ఆల్రెడీ కంప్లీట్ కాగా ప్రీ-ప్రొడక్షన్‌ వర్క్ పూర్తిగా కంప్లీట్ అయినట్లు తెలుస్తుంది. ఇక హీరో యశ్ తన అప్‌కమింగ్ ఫిల్మ్ ‘టాక్సిక్’ షెడ్యూల్ పూర్తిగా కాగానే.. జూలైలో ఈ మూవీ సెట్స్‌లో జాయిన్ కానున్నాడని సమాచారం. కాగా ఈ చిత్రం కూడా రెండు భాగాలుగా రానుందని టాక్. ఇక జనవరి నుంచి లాస్ ఏంజిల్స్‌లో రణ్‌బీర్, సాయి పల్లవి రిహార్సల్స్ స్టార్ట్ కానున్నాయి.
