హిస్టారికల్ సిటీలో చెర్రీ, ఉపసాన వెకేషన్.. పదో వార్షికోత్సవం అక్కడే!

దిశ, సినిమా: ఈ నెల 14న మెగాపవర్ స్టార్ రామ్‌చ‌ర‌ణ్ తేజ్, ఉపాస‌న దంపతులు పదో వివాహ వార్షికోత్సవం జరుపుకోబోతున్నారు. ఈ మేరకు ఇట‌లీలోని మిలాన్‌‌లో గ్రాండ్ సెలబ్రేషన్స్‌ ప్లాన్ చేసినట్లు తెలుస్తోంది. ప్రొఫెషన్ లైఫ్‌లో ఎప్పుడూ బిజీగా ఉండే ఈ సెలబ్రిటీ కపుల్.. నాలుగైదు రోజుల పాటు ఈ చారిత్రక న‌గ‌రంలోనే వెకేషన్ ఎంజాయ్ చేస్తారని సమాచారం. కాగా పెద్దల అంగీకారంతో ప్రేమ వివాహం చేసుకున్న చరణ్, ఉపాసన ఎంతో అన్యోన్యంగా ఉంటారని తెలిసిందే. అయితే పెళ్లయ్యి పది సంవత్సరాలు అయినప్పటికీ పిల్లలు లేకపోవడం పట్ల వీరిద్దరూ తరచూ ఇదే ప్రశ్న ఎదుర్కోవాల్సి వస్తోంది. మరి పదేళ్ల దాంపత్య జీవితం పూర్తిచేసుకున్నందున ఇప్పటికైనా ఫ్యాన్స్‌కు శుభవార్త వినిపిస్తారో లేదో వేచి చూడాల్సిందే.