రామ్ చరణ్ బర్త్ డే బిగ్ సర్‌ప్రైజ్.. తిరుపతిలో మెగా ప్రిన్సెస్ క్లీన్ కారా ఫేస్ రివీల్.. వీడియో వైరల్
దిశ, సినిమా: నేడు మెగా హీరో రామ్ చరణ్ పుట్టిన రోజు మార్చి 27. దీంతో మంగళవారమే ఆయన తన కూతురు, భార్యతో తిరుపతికి చేరుకున్న సంగతి తెలిసిందే. అయితే నేడు తెల్లవారు జామునే తిరుపతి వెంకన్న స్వామి దర్శనం చేసుకుని రోజును ప్రారంభించుకున్నారు. దర్శనం అనంతరం స్వామివారి తీర్థప్రసాదాలు ఉపాసన- రామ్ చరణ్ దంపతులకు అందించారు. అంతేకాకుండా రామ్ చరణ్ తన కూతురు క్లీన్ కారా తలనీలాలు సమర్పించి మొక్కులు చెల్లించుకున్నాడు. అయితే ఈ క్రమంలోనే మెగా ఫ్యాన్స్ రామ్ చరణ్ తిరుపతిలో ఉన్నాడని తెలుసుకుని ఇప్పటికే అక్కడి చేరుకున్నారు.
ఆయన ఆలయానికి వెళ్తుండగానే పుట్టిన రోజు విషెస్ తెలుపుతూ రోడ్లపై రచ్చ చేశారు. అయితే రామ్ చరణ్ దర్శనం చేసుకుంటుండగా ఉపాసన ఒడిలో ఉండగా క్లీన్ కారా ఫేస్ కెమెరాకు చిక్కింది. అది కనిపెట్టిన ఉపాసన కాసేపటికి క్లాత్ కప్పి కవర్ చేసింది. ప్రస్తుతం సోషల్ మీడియాలో క్లీన్ కారాకు సంబంధించిన ఫొటోలు, వీడియోలు వైరల్ అవుతున్నాయి. దీంతో మెగా ఫ్యాన్స్ ఎప్పుడెప్పుడా అని ఎదురుచూస్తున్న కళ నెరవేరినట్లు అయింది. ఆ పాప పుట్టినప్పటి నుంచి ఎన్నిసార్లు అడిగినా మెగా ఫ్యామిలీ చూపించలేదు. కానీ నేడు రామ్ చరణ్ పుట్టిన రోజున క్లీన్ కారా ఫేస్ కనిపించడంతో ఫ్యాన్స్ ఆనందానికి అవధులు లేకుండా పోయింది. మా అన్న వారుసురాలిని చూడటం మాకు ఈ రోజు ఒక పండుగ సెలబ్రేట్ చేసుకున్నట్లుగా ఉందని అంటున్నారు. అలాగే పాప చాలా చాలా క్యూట్‌గా ఉంది రామ్ చరణ్ పోలికలు వచ్చాయని చర్చించుకుంటున్నారు.
Aww cute 🥰❤️#klinkara bby 🧿🫶pic.twitter.com/MHqjrj7eoQ
— Pallaviᴿᶜ (@gloriouss_mess) March 27, 2024
