కంటెంట్ కాదు.. కామాన్నే జనాలు ఆదరిస్తున్నారు.. నటి కామెంట్స్
దిశ, సినిమా : ప్రముఖ మరాఠి నటి ప్రజక్తా మాలీ బాలీవుడ్‌తో పాటు నార్త్ ఇండస్ర్టీలోనూ సత్తా చాటాలనుకుంటున్నట్లు తెలిపింది. ఇటీవల ఓటీటీలో వచ్చిన సెక్స్, పొలిటికల్ డ్రామా 'రాన్‌బజార్‌'లో తన నటనతో విమర్శకుల ప్రశంసలు అందుకున్న మాలి.. ఇకపై సైడ్ క్యారెక్టర్లు చేయలేనని చెప్పింది. ఎందుకంటే
సీరియల్స్, సినిమాల్లో కంటెంట్, నటన గురించి కాకుండా.. సన్నిహిత సన్నివేశాలు, బోల్డ్ లుక్స్ గురించి ప్రజలు ఎక్కవగా మాట్లాడుకుంటున్నట్లు బలంగా నమ్ముతున్నానని తెలిపింది. దీంతో సినిమా సంఖ్య కన్నా స్టోరీ సెలక్షన్‌పై ఎక్కువ దృష్టి పెట్టినట్లు చెప్పిన నటి.. ఇకపై ప్రజలు తన అందాన్ని కాకుండా మంచి నటీమణిగా పరిగణిస్తారని ఆశిస్తున్నట్లు తెలిపింది. అలాగే ఇప్పటికీ తన బెస్ట్ ఇవ్వలేదన్న మాలి.. తన సామర్థ్యాన్ని కూడా మేకర్స్ గుర్తించలేదని, సౌత్, బాలీవుడ్ ఇండస్ట్రీలో చాన్స్ వస్తే పాన్ ఇండియా ప్రేక్షకులను అలరించేందకు సిద్ధంగా ఉన్నానని చెప్పుకొచ్చింది.
