అతను జీవితాలను నాశనం చేసేవాడు.. మరోసారి సంచలనంగా మారిన నటి పోస్ట్

దిశ, సినిమా: టాలీవుడ్ నటి పూనమ్ కౌర్ గురించి తెలిసిందే. ఒకప్పుడు భాషతో సంబంధం లేకుండా తెలుగు, తమిళం, మలయాళంలో వరుస సినిమాలు చేసి మంచి గుర్తింపు తెచ్చుకుంది. కానీ ఇప్పుడు పూర్తిగా మూవీస్‌కు దూరంగా ఉంటూ.. ప్రజెంట్ రాజకీయాలపై ఫోకస్ పెట్టింది. అంతే కాకుండా నిత్యం సోషల్ మీడియాలో యాక్టివ్‌గా ఉంటూ.. పొలిటికల్ లీడర్స్‌పై సినిమా హీరోలు, డైరెక్టర్లు, నిర్మాతలపై పలు రకాల పోస్టులు పెడుతుంటుంది. ముఖ్యంగా డైరెక్టర్ త్రివిక్రమ్‌ని టార్గెట్ చేసే ఈ బ్యూటీ ఆయనపై పెట్టే పోస్టులు సంచలనంగా మారతాయి. ఈ క్రమంలోనే తాజాగా మరోసారి ఆయనపై షాకింగ్ ట్వీట్ పెట్టింది.

పూనమ్ పెట్టిన ట్వీట్‌పై స్పందించిన ఓ నెటిజన్.. ‘దయచేసి మీ పర్సనల్ కోపాలు ఏమైనా ఉంటే వాటిని సోషల్ మీడియాలో చూపించొద్దు. త్రివిక్రమ్ టాలెంట్ గురించి అందరికీ తెలుసు’ అంటూ హీరోయిన్‌ను పోస్ట్‌కు ట్యాగ్ చేసి పెట్టాడు. దీనికి పూనమ్ రిప్లై ఇస్తూ.. ‘నాకు అతని చెడు స్వభావం గురించి తెలుసు. అలాగే అతన్ని సపోర్ట్ చేసే మేల్ ఈగోలా గురించి కూడా నాకు తెలుసు. నువ్వు నీ అనుభవంతో చెప్పతున్నావు. నేను నా అనుభవంతో మాట్లాడుతున్నాను. అతడు జీవితాలను నాశనం చేసు వ్యక్తి’ అంటూ చెప్పుకొచ్చింది. ప్రజెంట్ ఈ పోస్ట్ నెట్టింట సంచలనంగా మారింది.