మాటల మాంత్రికుడు త్రివిక్రమ్‌పై సంచలన పోస్ట్ పెట్టిన పూనమ్ కపూర్
దిశ, సినిమా: టాలీవుడ్ హీరోయిన్ పూనమ్ కౌర్ పలు చిత్రాల్లో నటించింది. కానీ ఎక్కువగా సోషల్ మీడియాలో యాక్టీవ్‌గా ఉంటూ పలు వివాదాస్పద కామెంట్స్ చేస్తూ నిత్యం వార్తల్లో నిలుస్తుంటుంది. ముఖ్యంగా పవన్ కల్యాణ్‌పై నిత్యం పలు ఆసక్తికర పోస్టులు పెడుతూ రచ్చ చేస్తుంది. ఛాన్స్ దొరికినప్పుడల్లా పలు విషయాలపై స్పందిస్తుంది. తాజాగా, పూనమ్, మాటల మాంత్రికుడు త్రివిక్రమ్ శ్రీనివాస్‌పై సంచలన ట్వీట్ చేసింది. మహేష్ బాబు, త్రివిక్రమ్ కాంబినేషన్‌లో వస్తున్న తాజా చిత్రం గుంటూరు కారం.
ఈ సినిమాను కీర్తి కిరీటాలు అనే నవల ఆధారంగా త్రివిక్రమ్ తీశారని పలు వార్తలు వస్తున్నాయి. దీనిపై పూనమ్ స్పందించింది. ‘‘ఆయన ఏదైనా చేయగల సమర్ధుడు. అందులో నుంచి అంతే సామర్థ్యంతో బయటపడగలడు. ఆయన తప్పుడు పనులకు ప్రత్యేకంగా ముసుగు వేయగలుగుతారు. దీన్ని జనం చూడలేరు. గత ప్రభుత్వాల సీఎంల కార్యాలయాలకు-ప్రత్యేక అనుబంధం ఎలా ఏర్పడిందనే విషయం ఆశ్చర్యాన్ని కలిగిస్తోంది’’ అంటూ రాసుకొచ్చింది. ప్రస్తుతం పూనమ్ ట్వీట్ సోషల్ మీడియాలో వైరల్‌గా మారింది. దీనిపై త్రివిక్రమ్ ఎలా స్పందిస్తారో చూడాలి.
He can do anything and get away with it - and there is privileged blindness which people would have for his wrong doings - always wondered why he had such exclusive CMs office for the earlier govt - which general public did not have to resolve their issues - #guruji things ! https://t.co/YbTFPo4SNH
— पूनम कौर ❤️ poonam kaur (@poonamkaurlal) January 5, 2024
