నితిన్ ‘రాబిన్ హుడ్’ రాణిగా అదరగొట్టిన శ్రీలీల.. మంచి చాన్స్ మిస్ చేసుకున్న రష్మికా మందన్న
దిశ, సినిమా : లాస్ట్ ఇయర్ ఎక్స్‌ట్రా ఆర్డినరీ మూవీతో ప్రేక్షకుల ముందుకు వచ్చిన టాలీవుడ్ యంగ్ హీరో నితిన్ ప్రజెంట్ వరుస చిత్రాలతో బిజీ బిజీగా ఉన్నాడు. అప్పట్లో ఆ మూవీతో డిజాస్టర్ అందుకున్నందు ఈ హీరో ఆచి తూచి అడుగులు వేస్తున్నాడు. నిజానికి సినీ ఇండస్ట్రీలో ప్రజెంట్ నితిన్ హవా అంతగా కనిపించడం లేదు. ఏమైందో కానీ భీష్మ సినిమా తర్వాత అతనికి సరైన హిట్ దక్కలేదనే చెప్పాలి. భీష్మ ఒక్కటే కాస్త మంచి హిట్ ఇచ్చినందున ప్రజెంట్ ఆ మూవీ డైరెక్టర్ వెంకీ కుడుములపైనే భారీ ఆశలు పెట్టుకున్నాడు నితిన్.
ప్రస్తుతం వెంకీ కుడుముల దర్శకత్వంలోనే ‘రాబిన్ హుడ్’ మూవీ చేస్తున్నాడు నితిన్. ఈ సినిమా షూటింగ్ కూడా మరింత స్పీడప్ అందుకుంది. ఇప్పటికే రిలీజైన టీజర్, గ్లింప్స్, పోస్టర్స్ బాగానే ఆకట్టుకున్నాయి. రీసెంట్‌గా ఈ సినిమా నుంచి మరో అప్‌డేట్ కూడా అందించారు మేకర్స్.. యంగ్ అండ్ టాలెంటెడ్ బ్యూటీ శ్రీలీల ఇందులో హీరోయిన్‌గా నటిస్తున్నట్లు జూన్ 14న ఆమె బర్త్ డే రోజే ప్రకటించడంతోపాటు విషెష్ చెప్తూ గ్లింప్స్ అండ్ పోస్టర్‌ను రిలీజ్ చేసిన సంగతి తెలిసిందే. కాగా ప్రస్తుతం రాబిన్ హుడ్ మూవీకి సంబంధించి మరో ఇంట్రెస్టింగ్ న్యూస్ వైరల్ అవుతోంది. ఏంటంటే.. ఈ సినిమా ‘గ్లింప్స్’లో లేడీబాస్ గెటప్‌లో అదరగొట్టిన శ్రీలీల ప్లేస్‌లో వాస్తవానికి రష్మికా మందన్న ఉండాల్సిందట. ముందుగా హీరోయిన్ పాత్రకోసం మేకర్స్ ఆమెనే సంప్రదించారట. కానీ మరో మూవీలో షూటింగ్‌లో తీరికలేకుండా ఉన్న రష్మిక ‘రాబిన్ హుడ్’ ప్రాజెక్టు నుంచి తప్పుకోవాల్సి వచ్చిందట.
