ఆధ్యాత్మికతకు భంగం కలిగించేవాళ్లంతా నేరస్థులే.. నటి కాంట్రవర్సీ కామెంట్స్
దిశ, సినిమా: బాలీవుడ్ ఫైర్‌బ్రాండ్ కంగనా రనౌత్ చేసిన తాజా వ్యాఖ్యలు చర్చనియాంశమయ్యాయి. ఇటీవల మహ్మద్ ప్రవక్తపై బీజేపీకి చెందిన నుపుర్ శర్మ కాంట్రవర్సీ కామెంట్స్ చేసిన సంగతి తెలిసిందే. కాగా వీటిపై పెద్దఎత్తున దుమారం రేగుతుండగా కొంతమంది సపోర్టుగా మాట్లాడితే మరికొందరు తీవ్రంగా విమర్శలు చేస్తున్నారు.
ఈ క్రమంలో స్పందించిన కంగనా.. అమీర్‌ఖాన్ 'పీకే' సినిమాలో శివుడి వెంటపడుతున్న హీరో వీడియోను నెట్టింట పోస్టుచేస్తూ 'నేను హిందువుగా ఉండటానికి ఇష్టపడటానికి ఇది ఒక కారణం. ఇది నా శివమ్‌ని ఇబ్బంది పెట్టదు. ఇది నా ఆధ్యాత్మికతకు లేదా విశ్వాసానికి కూడా భంగం కలిగించదు. కేవలం ఒక మహిళ చేసిన కామెంట్స్ కారణంగా మొత్తం దేశాన్ని ఇబ్బంది పెడుతున్నారు. ఇది భయంకరమైన ప్రవర్తన' అంటూ రాసుకొచ్చింది. అలాగే ముస్లిం మతస్థులను ఉద్దేశిస్తూ.. భారతదేశ ఆధ్యాత్మికతకు భంగం కలిగించేవాళ్లంతా నేరస్థులే అంటూ మరోసారి చర్చకు దారితీసింది.
