Bhadra: వామ్మో.. రవితేజ మరదలు ఏంటీ ఇంత హాట్‌గా, స్టైలిష్‌గా ఉంది!
దిశ, సినిమా: గతంలో ఏదోఒక సినిమాలో మెరిసి తర్వాత కనుమరుగైపోయిన నటీమణులు.. ఇప్పుడు అప్పటి కంటే అందంగా, స్టైలిష్‌గా కనిపించి ప్రేక్షకులను షాక్ గురిచేస్తున్నారు. ప్రజెంట్ అలాంటి బ్యూటీ గురించే ఓ వార్త వైరల్ అవుతోంది. ఆమె మరెవరో కాదు సనోబర్ హెరేకర్. మాస్ మహారాజా రవితేజ, బోయపాటి శ్రీను డెడ్లీ కాంబినేషన్‌లో వచ్చిన చిత్రం ‘భద్ర’. ఇందులో మీరా జాస్మిన్ హీరోయిన్‌గా నటించగా.. మురళి మోహన్, ప్రకాశ్ రాజ్, సునీల్ ప్రధాన పాత్రల్లో నటించి మెప్పించారు.
అప్పట్లో ఈ చిత్రం బాక్సాఫీస్ వద్ద మంచి విజయాన్ని అందుకుంది. అంతే కాకుండా ఈ చిత్రానికి దేవి శ్రీ ప్రసాద్ అందించిన మ్యూజిక్‌తో ఇది మ్యూజికల్ హిట్‌గా కూడా నిలిచింది. ఇక మాస్ మహారాజా రవితేజ సినీ కెరీర్‌లో ‘భద్ర’ బిగ్గెస్ట్ హిట్స్ అందుకున్న చిత్రాల్లో ఒకటిగా నిలిచింది. అయితే.. ఇందులో రవితేజ మరదలుగా సత్య ప్లేస్‌లో నటించింది సనోబర్ హెరేకర్. తన అందం, నటనతో ఆకట్టుకోవడంతో పాటు.. సనోబర్, సునీల్ మధ్య జరిగిన కామెడీ సీన్స్ సినిమాల్లో హైలెట్‌గా నిలిచాయి. ఈ మూవీ సనోబర్ హెరేకర్‌కు మంచి గుర్తింపే తెచ్చిపెట్టినప్పటికీ.. తర్వాత ఒక్క మూవీ కూడా చెయ్యలేదు ఈ అమ్మడు.
అయితే.. కొన్నాళ్లక్రితం పలు హిందీ సినిమాల్లో నటించి అలరించిన ఈమె.. ప్రస్తుతం కుటుంబంతో ముంబైలో సెటిల్ అయినట్లు తెలుస్తోంది. అలాగే అజీజ్ జీ అనే ఆర్టిస్ట్‌ను పెళ్లి చేసుకుని ప్రస్తుతం వ్యాపారంలో రాణిస్తుంది. కాగా, ప్రజెంట్ ఈ బ్యూటికీ సంబంధించిన లేటెస్ట్ పిక్స్ సోషల్ మీడియాలో దర్శనమిచ్చాయి. దీంతో ఈమె.. భద్ర సినిమాలో నటించిన అమ్మాయే కదా.. ఇప్పుడు కూడా చాలా అందంగా, స్టైలిష్‌గా, హాట్‌గా ఉందంటూ కామెంట్స్ పెడుతున్నారు నెటిజన్లు.
