Yogi Rerelease : సుదర్శన్ థియేటర్‌లో రచ్చ రచ్చ.. అద్దాలు ధ్వంసం చేసిన ప్రభాస్ ఫ్యాన్స్ (వీడియో)

దిశ, వెబ్‌డెస్క్: యోగి రీ రిలీజ్ సందర్భంగా కొంతమంది ప్రాభాస్ ఫ్యాన్స్ సుదర్శన్ థియేటర్‌లో రచ్చ చేశారు. యోగి సినిమా చూడడం కోసం వచ్చిన కొన్ని వర్గాల ఫ్యాన్స్ మధ్య గొడవ జరిగింది. దీంతో గ్రూపులుగా విడిపోయిన ప్రభాస్ ఫ్యాన్స్ థియేటర్ మీద దాడి చేసి అద్దాలు ధ్వంసం చేశారు. అలాగే క్యాంటిన్ సమీపంలో ఉన్న కూల్ డ్రింక్స్ బాటిల్లను పగలగొట్టి రచ్చ రచ్చ సృష్టించారు. దీంతో థియేటర్ యాజమాన్యం వారిని అదుపులోకి తీసుకునే ప్రయత్నం చేయగా అక్కడి నుంచి పారిపోయారు. ఈ ఘటనకు సంబంధించిన వీడియోను అక్కడే ఉన్న వారు తమ సెల్ ఫోన్ లో రికార్డు చేశారు. ఆ వీడియోలో ప్రభాస్ ఫ్యాన్స్ రూపంలో వచ్చిన వ్యక్తులు చేసిన విధ్వంసం మొత్తం రికార్డయింది. కాగా ఈ ఘటనపై సుదర్శన్ థియేటర్ యాజమాన్యం పోలీసులకు ఫిర్యాదు చేసినట్లు తెలుస్తుంది.