హ్యాపీ బర్త్ డే యంగ్ టైగర్ ఎన్టీఆర్
దిశ, సినిమా: తాత ఎన్టీఆర్‌ని, బాబాయ్ యువరత్న బాలకృష్ణని ఆదర్శంగా తీసుకుని ఇండస్ట్రీ లోకి ఎంట్రీ ఇచ్చిన ఎన్టీఆర్ తనదైన మార్క్‌ని క్రియేట్ చేసుకున్నాడు. ఇవాళ యంగ్ టైగర్ పుట్టినరోజు సందర్భంగా పాన్ ఇండియా స్టార్ గురించి తెలుసుకుందాం..
బాలరాముడిగా మెప్పించిన బాల తారకరాముడు.. స్టూడెంట్ నెం.1 గా ఆపై సింహద్రిగా, యమదొంగలా, తెలుగింటి ఆడపడుచులకు రాఖిలా, వైవిద్యమైన క్యారెక్టర్లతో ఊసరవెల్లిగా మారి తెలుగు బాక్సాపీస్‌ రూలర్ గా దమ్ము చూపించిన ఆది ఎన్టీఆర్‌కే చెల్లింది. అనతికాలంలోనే అగ్ర కథానాయకుల జాబితాలో చేరి నందమూరి నట వంశంలో మూడవ తరంలో మన ఎన్టీఆర్ కి దక్కిన క్రేజ్ మరే హీరోకి దక్కలేదు. 2001లో 'నిన్ను చూడాలని' చిత్రం ద్వారా హీరోగా తెరంగేట్రం చేసిన సంగతి తెలిసిందే. అయితే కొన్ని సినిమాల ప్లాపుల కారణంగా పడిపోయిన ప్రతిసారి ఉవ్వెత్తున లేస్తూ తన సత్తా చాటుతున్నాడు ఎన్టీఆర్. రాజమౌళి డైరెక్షన్లో సింహాద్రి అంటూ ఒక్కసారిగా అగ్రస్థానానికి చేరువై అతి చిన్న వయసులోనే ఇండస్ట్రీ రికార్డులు అన్నీ తిరగరాశాడు. మాటల్లో పవర్ ఉంది , చేష్టల్లో ఎనర్జీ ఉంది , డాన్సు లో ఊపు ఉంది నటనలో పదును ఉంది టోటల్ గా ఎన్టీఆర్ అంటే పర్ఫెక్ట్ స్టార్. స్వశక్తితో ఎదుగుతున్న ఎన్టీఆర్ ప్రతి సినిమాలో తనదైన ముద్ర వేసేందుకు శ్రమిస్తారు. తాత నందమూరి తారక రామారావు, బాబాయి బాలక్రిష్ణ బాటలోనే జైలవకుశతో త్రిపాత్రాభినయం చేసి మెప్పించాడు తారక్. ప్రస్తుతం ఎన్టీఆర్ RRR సినిమా తర్వాత వరుసగా భారీ సినిమాలు ఓకే చేస్తూ ఫుల్ బిజీలో ఉన్నాడు. ఎన్టీఆర్ కొరటాల శివ దర్శకత్వంలో ‘దేవర’ సినిమాతో పాటు బాలీవుడ్ లో ‘వార్ 2’ సినిమా చేస్తున్నాడు. ఈ రెండు సినిమాలపై భారీ అంచనాలు ఉన్నాయి. ఇక దేవర సినిమా నుంచి ఇప్పటికే గ్లింప్స్, ఓ సాంగ్ రిలీజ్ చేశారు. దేవర పార్ట్ 1 సినిమా అక్టోబర్ 10న దసరా కానుకగా రిలీజ్ కానుంది.
ఈ సినిమాల తర్వాత ఎన్టీఆర్ ప్రశాంత్ నీల్ తో సినిమా చేయబోతున్నాడు. ఆల్రెడీ వీరి కాంబోలో సినిమా ఎప్పుడో ప్రకటించారు. తాజాగా ఎన్టీఆర్ పుట్టిన రోజు నాడు ఎన్టీఆర్ – ప్రశాంత్ నీల్ సినిమా అప్డేట్ ఇచ్చారు. ఈ సినిమా షూటింగ్ 2024 ఆగస్టు నుంచి మొదలుపెట్టనున్నట్టు అనౌన్స్ చేశారు మూవీ యూనిట్. అలాగే ఇది పవర్ హౌస్ ప్రాజెక్ట్ అంటూ హైప్ ఇచ్చారు. ఈ సినిమాని మైత్రి మూవీ మేకర్స్ నిర్మిస్తుండగా ఈ సినిమాకు ‘డ్రాగన్’ అనే టైటిల్ పరిశీలనలో ఉన్నట్లు సమాచారం. దీంతో ఎన్టీఆర్ ఫ్యాన్స్ ఖుషి అవుతున్నారు.
