రణబీర్ కపూర్ మెడపై ఉన్న టాటూ.. ఎవరి పేరంటే?
దిశ, వెబ్‌డెస్క్: బాలీవుడ్ స్టార్ హీరో రణబీర్ కపూర్ ప్రస్తుతం యానిమల్ చిత్రంతో ప్రేక్షకుల ముందుకు త్వరలో రాబోతున్నాడు. డిసెంబర్ 1వ తేదీన ఈ మూవీ ప్రపంచ వ్యాప్తంగా థియేటర్స్‌లోకి రానుంది. అయితే ఫస్ట్ టైమ్ రణబీర్ ఇందులో మాస్ కోణాన్ని చూపించబోతున్నాడు. యానిమల్‌లో రష్మిక హీరోయిన్‌గా నటించగా.. సందీప్ వంగా డైరెక్షన్‌లో తెరకెక్కనుంది. భారీ అంచనాల నడుమ రిలీజ్ కాబోతుంది. దీంతో చిత్ర యూనిట్ ప్రమోషన్స్ గట్టిగా చేస్తున్నారు. అయితే ఈ మూవీ తెలుగు ప్రమోష‌న్స్‌లో భాగంగా సందీప్ రెడ్డి వంగా, రష్మికలతో పాటు రణ్‌బీర్ కపూర్‌లు కలిసి బాల‌కృష్ణ అన్‌స్టాపబుల్ షోకు వెళ్లారు. ప్రస్తుతం ఈ ఎపిసోడ్ ప్రముఖ తెలుగు ఓటీటీ ప్లాట్‍ఫామ్‍ ఆహాలో స్ట్రీమింగ్ అవుతుంది.
ఇక ఈ ఎపిసోడ్ ఫ‌న్నీగా సాగడంతో ఈ కార్యక్రమానికి సంబంధించిన వీడియో క్లిప్‌లు సోషల్ మీడియాలో వైరల్‌గా మారాయి. అయితే ఇందులో ఒక సీన్‌లో టాటూల గురించి చ‌ర్చ రాగా.. రణబీర్ కపూర్ తన మెడపై ఉన్న టాటూను చూపించారు. అయితే అంతా తన మెడపై ఉన్న టాటూ.. రణబీర్ కపూర్ భార్య ఆలియా భట్‌ది అయ్యి ఉంటుందా..? లేక ఇంకా ఎవరైనా అమ్మాయిదా అని ఆలోచనలో ఉండగా.. ఆ టాటూ.. తన కుమార్తె పేరు రాహాది అని వెల్లడించాడు. తన గారాల కూతురు పేరును టాటూగా వేయించుకున్నట్లు తెలిపాడు.. అంతే కాదు తన కూతురంటే ఎంత ఇష్టమో చెప్పుకొచ్చాడు.
