Major సినిమాపై ముఖ్యమంత్రి ప్రశంసలు..
దిశ, వెబ్‌డెస్క్: శశి కిరణ్‌ తిక్క దర్శకత్వంలో అడివి శేష్ హీరోగా నటించిన చిత్రం 'మేజర్‌'. 26- 11ముంబై దాడుల్లో వీరమరణం పొందిన మేజర్‌ సందీప్‌ ఉన్ని కృష్ణణ్‌ జీవిత ఆధారంగా తెరకెక్కిన చిత్రమిది. సూపర్ స్టార్ మహేశ్ బాబు ప్రతిష్టాత్మకంగా తెరకెక్కించిన ఈ చిత్రం జూన్‌ 3న విడుదలై సూపర్ హిట్ టాక్‌తో దూసుకెళ్తోంది.
ఇటీవల ఈ మూవీని వీక్షించిన పలువురు స్టార్ హీరోలు చిత్రం పై ప్రశంసలు కురిపించారు. తాజాగా.. మేజర్‌ చిత్ర యూనిట్‌ మహారాష్ట్ర ముఖ్యమంత్రి ఉద్ధవ్ ఠాక్రేను కలిశారు. ఈ విషయాన్ని స్వయంగా అడవి శేష్ ట్విట్టర్ ద్వారా తెలిపారు. 'గౌరవనీయులైన మహారాష్ట్ర ముఖ్యమంత్రి శ్రీ ఉద్ధవ్ ఠాక్రేని కలిసే అద్భుతమైన అవకాశం కలిగింది. ఇది ఒక అపురూపమైన క్షణం. మా సినిమా గురించి అద్భుతమైన మాటలు చెప్పినందుకు ధన్యవాదాలు సార్' అంటూ ఓ ఫొటోను షేర్ చేశారు.
Had the incredible opportunity to meet the Honourable CM of Maharashtra Shri UddhavThackeray. He promised to extend full support for our MAJOR promise fund for NDA aspirants. It was an incredible moment. Thank you for the amazing words about our film sir. @CMOMaharashtra (1/2) pic.twitter.com/xOKN5liRk7
— Adivi Sesh (@AdiviSesh) June 13, 2022
