Allu Arjun: ఐకాన్ స్టార్ అల్లు అర్జున్‌పై కేసు నమోదు
దిశ, వెబ్‌డెస్క్: Case filed against allu arjun over sri chaitanya advertisement| అల్లు అర్జున్-సుకుమార్ కాంబినేషన్‌లో వచ్చిన పుష్ప సినిమా భారీ విజయం సాధించడంతో అల్లు అర్జున్ కి పాన్ ఇండియా స్థాయిలో డిమాండ్ పెరిగింది. దీంతో మాంచి జోష్‌లో బన్నీ.. వరుస సినిమాలను లైన్‌లో పెట్టడంతో పాటు కొన్ని వ్యాపార ప్రకటనలు చేస్తూ బిజీబజీగా గడుపుతున్నారు. అయితే, ఇటీవల బన్నీ చేసిన ఓ యాడ్ మాత్రం వివాదాస్పదమైంది. శ్రీ చైతన్య విద్యాసంస్థల కోసం ఓ వ్యాపార ప్రకటనలో అల్లు అర్జున్ నటించిన సంగతి తెలిసిందే. అయితే ఈ ప్రకటన తప్పుదోవ పట్టించేలా ఉందని సామాజిక కార్యకర్త కొత్త ఉపేందర్‌రెడ్డి ఆరోపించారు. అంతేకాదు ఇందులో నటించిన అల్లు అర్జున్, తప్పుడు సమాచారం ఇచ్చిన శ్రీ చైతన్య విద్యాసంస్థలపై ఆయన అంబర్‌పేట పోలీసు స్టేషన్‌లో ఫిర్యాదు చేశాడు. తప్పుదోవ పట్టించిన వారిపై చర్యలు తీసుకోవాలని ఫిర్యాదులో కోరారు.
