బ్రిట్నీ స్పియర్స్ మూడో పెళ్లి.. రచ్చ రచ్చ చేసిన మాజీ భర్త
దిశ, సినిమా : బ్రిట్నీ స్పియర్స్- సామ్ అస్గారి పెళ్లి.. గత కొన్ని రోజులుగా వార్తల్లో నిలుస్తూనే ఉంది. ఈ క్రమంలో జూన్ 9న వీరిద్దరు ఒక్కటైనట్లు తెలుస్తోంది. అయితే మ్యారేజ్‌కు ముందు షాకింగ్ ఇన్సిడెంట్ జరిగినట్లు ఇంటర్నేషనల్ మీడియా వెల్లడించింది. బ్రిట్నీ మాజీ భర్త జాసన్ అలెగ్జాండర్ వివాహాన్ని ఆపేందుకు ప్రయత్నించి, అరెస్ట్ చేయబడ్డాడని తెలుస్తోంది. ఈ ఘటనతో బ్రిట్నీ భయపడిపోయిందని సమాచారం. కాగా బ్రిట్నీ వివాహానికి ముందు లైవ్‌లో పాల్గొన్న జాసన్.. వెడ్డింగ్ వెన్యూ‌కు చేరుకున్న తర్వాత బ్రిట్నీ స్వయంగా తనను ఆహ్వానించినట్లు తెలిపాడు. తనను తాను మొదటి భర్తగా సెక్యూరిటీకి పరిచయం చేసుకున్న అతను.. గేట్ క్రాష్ చేయడంతో పాటు మ్యారేజ్ ఆపబోతున్నట్లు రచ్చ రచ్చ చేశాడు. దీంతో చట్టప్రకారం అతనిపై చర్యలకు సిద్ధమైంది బ్రిట్నీ. ఇక 2004లో జాసన్‌తో బ్రిట్నీ పెళ్లి తర్వాత కేవలం 55 గంటల్లోనే మ్యారేజ్ రద్దు చేయబడింది.
