బాలీవుడ్ హీరోపై చేయి చేసుకున్న బాలయ్య(వీడియో)
దిశ, సినిమా: రణ్బీర్ కపూర్ హీరోగా తెరకెక్కిన తాజా బాలీవుడ్ చిత్రం ‘యానిమల్’. సందీప్ రెడ్డి వంగా దర్శకత్వం వహించిన ఈ పాన్ ఇండియా మూవీ డిసెంబర్ 1న హిందీతో పాటు తెలుగు, తమిళం, కన్నడ, మలయాళం భాషల్లో విడుదల కానుంది. కాగా తాజాగా విడుదలైన ఈ సినిమా ట్రైలర్ అదిరిపోయింది. వాయిలెన్స్, సెంటిమెంట్‍తో ఆకట్టుకుని భారీ అంచనాలు పెంచేసింది. ఇందులో రణ్బీర్ సరసన రష్మిక మందన్న హీరోయిన్‍గా నటించగా అనిల్ కపూర్, బాబీ డియోల్ కీలకపాత్రలు పోషించారు. ఇక రిలీజ్ డేట్ దగ్గరపడుతుండటంతో వరుస ప్రమెషన్స్ చేస్తున్న మూవీ టీం తాజాగా ‘అన్‍స్టాపబుల్’ టాక్ షోకు హజరయ్యారు. హోస్ట్ బాలకృష్ణతో చాలా విషయాలను పంచుకున్నారు.
అయితే ఇందులో భాగంగా బాలయ్య రష్మికతో కొంత ఓవర్ యాక్షన్ చేసి.. రణ్‌బీర్‌తో ‘నీకు రష్మికతో ఇదే ఆఖరి సినిమా’ అంటూ వార్నింగ్ ఇచ్చినట్లు మాట్లాడాడు. దీంతో రణ్బీర్ ‘సార్ ఇంకా సెకండ్ పార్ట్ అనుకుంటున్నాం’ అని అనడంతో బాలయ్య నో అంటూ ఆయనపైకి చేయి లేపాడు. దీంతో హీరో ఓకే సార్ అంటూ ఫన్నీగా నవ్వాడు. ప్రజెంట్ ఇందుకు సంబంధించిన వీడియో సోషల్ మీడియాలో వైరల్ అవుతుంది.
