'థ్యాంక్ యూ' మూవీ నుంచి మరో అప్డేట్ ..
దిశ,వెబ్‌డెస్క్: ఇటీవల ల‌వ్‌స్టోరీ, బంగార్రాజు చిత్రాల‌తో వ‌రుస హిట్స్ అందుకున్న అక్కినేని హీరో నాగ చైతన్య ఇప్పుడు 'థాంక్యూ' సినిమాతో ప్రేక్ష‌కుల‌ను అల‌రించ‌డానికి సిద్ధ‌మ‌వుతున్న సంగ‌తి తెలిసిందే. విక్రమ్‌ కుమార్‌ దర్శకత్వం వహించిన ఈ సినిమాలో నాగ చైతన్య, రాశిఖాన్నా హీరో, హీరోయన్లుగా నటించారు. మాళవికా నాయర్‌, అవికా గోర్‌లు కీలక పాత్రల్లో కనిపించనున్నారు.
శ్రీ వెంకటేశ్వర క్రియేషన్స్‌ బ్యానర్‌పై దిల్‌రాజు, శిరీష్‌లు ఈ చిత్రాన్ని నిర్మిస్తున్నారు. ఈ సినిమా జూలై 8న ప్రేక్షకుల ముందుకు రానుంది. దీంతో ఈ సినిమా నుంచి ఒక్కో అప్డేట్ రిలీజ్ చేస్తున్నారు చిత్ర బృందం. ఇప్పటికే రిలీజైన పోస్టర్స్‌, టీజర్, ఎంతగానో ఆకట్టుకుంటున్నాయి. తాజాగా ఇప్పుడు ఈ మూవీ నుంచి ఫస్ట్ సాంగ్‌‌ను సోషల్ మీడియా వేదికగా వదిలింది మూవీ యూనిట్‌. అది చూసిన నెటిజన్స్ సూపర్ సాంగ్ అంటూ కామెంట్లు చేస్తూ సోషల్ మీడియాలో తెగ హల్ చల్ చేస్తున్నారు.
