రణ్‌బీర్ ‘రామాయణం’ నుండి మరో ఇంట్రెస్టింగ్ క్యారెక్టర్ అప్డేట్..
దిశ, సినిమా: ఇండియాలో అత్యధిక బడ్జెట్ తో రూపొందనున్న సినిమాల్లో రణ్‌బీర్ కపూర్ నటించనున్న ‘రామాయణం’ కూడా ఒకటి. ఈ మూవీకి సంబంధించిన తరచూ ఏదో ఒక ఇంట్రెస్టింగ్ అప్డేట్ వస్తూనే ఉంది. ముఖ్యంగా ఇందులో నటించబోయే వారి వివరాలు ఆసక్తి రేపుతున్నాయి. మొత్తం మూడు భాగాల వస్తున్న ఈ సినిమాలో రాముడిగా రణ్‌బీర్ కపూర్, సీతగా సాయి పల్లవి దాదాపు ఫైనల్ అయినట్లు తెలిసింది.
ఇక రావణుడి పాత్ర కోసం కన్నడ స్టార్ యశ్ ను అనుకుంటున్నట్లు వార్తలు వస్తున్నాయి. హనుమంతుడి పాత్ర కోసం సన్నీ డియోల్, కుంభకర్ణుడి పాత్ర కోసం బాబీ డియోల్, కైకేయి పాత్ర కోసం లారా దత్తాలను తీసుకోవాలని డైరెక్టర్ భావిస్తున్నట్లు తెలిసింది. ఇందులో భాగంగా తాజాగా విభీషణుడి పాత్ర కోసం విజయ్ సేతుపతి ని తీసుకున్నట్లు వార్తలు అయితే వినిపిస్తున్నాయి. కానీ ఇంకా ఎవరెవరిని ఫైనల్ చేశారో అధికారికంగా ప్రకటన రావాల్సి ఉంది. కాగా రామాయణంలో తొలి పార్ట్ 2025, దీపావళికి తీసుకురావాలని మేకర్స్ భావిస్తున్నారు. ముందుగా అన్ని పాత్రలకు నటీనటులను ఎంచుకున్న తర్వాత మూవీ ప్రీప్రొడక్షన్ పనులు ప్రారంభం కానున్నాయి.
