Anasuya: ముఖమంతా గాయాలతో అనసూయ.. షాకింగ్ పోస్ట్ వైరల్
దిశ, సినిమా: బుల్లితెర స్టార్ యాంకర్ అనసూయ గురించి ప్రత్యేకంగా చెప్పాల్సిన పని లేదు. జబర్దస్త్ షో ద్వారా పరిచయం అయిన ఆమె ఫుల్ పాపులారిటీ సంపాదించుకుంది. గత కొద్ది కాలం బుల్లితెరకు దూరం అయిన అనసూయ సినిమాలతో బిజీ బిజీగా గడుపుతోంది. లేడీ ఓరియెంటెడ్ మూవీస్‌తో అమ్మడు తన క్రేజ్‌ను మరింత పెంచుకుంటుంది. అలాగే సోషల్ మీడియాలోనూ యాక్టివ్‌గా ఉంటూ పలు పోస్టులతో నెట్టింట రచ్చ చేస్తోంది.
తనను ట్రోల్స్ చేస్తున్న వారికి స్ట్రాంగ్ కౌంటర్స్ వేస్తూ పోస్టులు పెడుతుంది. ప్రస్తుతం అనసూయ అల్లు అర్జున్ పుష్క-2లో కీలక పాత్రలో నటించనుంది. ఈ మూవీ డిసెంబర్ 6న వరల్డ్ వైడ్‌గా విడుదల కాబోతుంది. అనసూయ, జగపతి బాబుతో కలిసి నటించిన తాజా చిత్రం సింబా. దీనిని కొత్త డైరెక్టర్ మనోహర్ రెడ్డి తెరకెక్కించగా.. రాజేందర్, సంపత్ నంది సంయుక్తంగా నిర్మించారు. అయితే ఈ సినిమా నేడు ఆగస్టు 9న గ్రాండ్‌గా థియేటర్స్‌లో విడుదల కాబోతుంది.
ఈ క్రమంలో.. తాజాగా, అనసూయ ఇన్‌స్టాగ్రామ్ వేదికగా షాకింగ్ పోస్ట్ షేర్ చేసింది. సింబా షూటింగ్‌కు సంబంధించిన స్టిల్స్ నెట్టింట పెట్టింది. అందులో ముఖమంతా గాయాలతో కనిపించింది. ఇక ఆ ఫొటోలు చూసిన వారంతా షాకవుతూ ఏమైందని అడుగుతున్నారు. కొందరు మాత్రం ఏ సినిమాకు సంబంధించిన ఫొటోలు అని అడుగుతున్నారు. ప్రజెంట్ అనసూయ పోస్ట్ వైరల్ అవుతుండగా.. సడెన్‌గా చూసిన వారంతా ఆమెకు నిజంగానే దెబ్బలు తగిలాయని అనుకుంటున్నారు. కానీ అవి షూటింగ్ స్టిల్స్ అని తెలిసాక కాస్త ఊపిరిపీల్చుకుంటున్నారు.
(Video Link Credits to Anasuya Bharadwaj Instagram Channel)
