18 పేజెస్ రిలీజ్ డేట్స్ ఫిక్స్..

దిశ, వెబ్‌డెస్క్: యంగ్ హీరో నిఖిల్ హ్యపీడేస్ సినిమాతో టాలీవుడ్‌కు ఎంట్రీ ఇచ్చిన విషయం తెలిసిందే. 'ఎక్కడికి పోతావ్ చిన్నవాడ' మూవీతో సూపర్ హిట్ కొట్టాడు. ప్రస్తుతం బ్యాక్ టు బ్యాక్ సినిమాలను లైన్‌లో పెట్టి ఫుల్ బిజీగా ఉన్నాడు. ప్రస్తుతం నిఖిల్, అనుపమ పరమేశ్వరన్ జంటగా, పల్నాటి సూర్య ప్రతాప్ దర్శకత్వంలో వస్తున్న మూవీ '18 పేజేస్'. ఈ చిత్రం నుంచి ఇప్పటికే విడుదలైన పోస్టర్స్, టీజర్, ట్రైలర్ ప్రేక్షకుల్లో మంచి రెస్పాన్స్ దక్కించుకున్నాయి. అయితే, ఈ మూవీ రిలీజ్ డేట్స్ ఫిక్స్ చేసినట్లుగా టాక్ వినిపిస్తోంది. సెప్టెంబర్ 10న ప్రేక్షకుల ముందుకు తీసుకురాబోతున్నట్లు సమాచారం. దీనిపై త్వరలో అధికారిక ప్రకటన రాబోతున్నట్లుగా తెలుస్తుంది.