మోడల్ స్కూల్ ప్రవేశ దరఖాస్తు గడువు పెంపు

దిశ, ఆసిఫాబాద్ జిల్లా కేంద్రంలోని తెలంగాణ ఆదర్శ పాఠశాలలో 2021-22 విద్యా సంవత్సరానికి 6 నుండి 10వ తరగతిలలో ప్రవేశం కొరకు‌ ఆన్లైన్ ద్వారా దరఖాస్తు చేయుటకు తుది గడువు జూన్ 20వ తేదీ వరకు పొడిగించినట్లు ప్రిన్సిపాల్ అబ్దుల్ ఖలీల్ బుధవారం ఒక ప్రకటనలో తెలిపారు. ఈ గడువు మే 20న ముగియనుండగా లాక్ డౌన్ కారణంగా గడువును మరో నెల రోజులు పెంచినట్లు తెలిపారు. అదేవిధంగా జూన్ 5, 6వ తేదీలలో జరగాల్సిన ప్రవేశ పరీక్షలు కూడా వాయిదా వేసినట్లు పేర్కొన్నారు.

పరీక్ష నిర్వహించే తేదీ త్వరలో ప్రకటిస్తామని తెలిపారు. ఇప్పటి వరకు దరఖాస్తు చేసుకోని విద్యార్థులు ఈ అవకాశాన్ని సద్వినియోగం చేసుకోవాలని కోరారు. దరఖాస్తు చేయుటకు సమీప మీసేవా కేంద్రాల్లో లేదా అంతర్జాల కేంద్రంలో సంప్రదించి telanganams.cgg.gov.in వెబ్.సైట్ ద్వారా దరఖాస్తు చేసుకోవాలని సూచించారు