వరి కొనుగోలు కేంద్రాన్ని ప్రారంభించిన ఎమ్మెల్యే క్రాంతి

దిశ, మెదక్: టేక్మాల్ మండల కేంద్రంలో వరి కొనుగోలు కేంద్రాన్ని ఎమ్మెల్యే చంటి క్రాంతి కిరణ్ ప్రారంభించారు. ఈ సందర్భంగా ఆయన మాట్లాడుతూ.. కరోనా ప్రభావంతో పండించిన పంటలను రైతులు అమ్మడానికి ఇబ్బంది లేకుండా ఉండాలనేదే తమ ధ్యేయమన్నారు. ఈ నేపథ్యంలోనే ప్రభుత్వం తరఫున కొనుగోలు కేంద్రాలను ఏర్పాటు చేశామని క్రాంతి చెప్పారు. దూరం పాటించి ప్రభుత్వ సూచనలు, సలహాలు గౌరవించి.. కరోనాను తరిమికొడుదాం అని ఆయన పిలుపునిచ్చారు. ఈ కార్యక్రమంలో రాష్ట్ర మార్క్‌ఫెడ్ డైరెక్టర్ శేరి జగన్మోహన్ రెడ్డి, సొసైటీ చైర్మన్ యశ్వంత్ రెడ్డి తదితరులు పాల్గొన్నారు.

Tags: MLA Kranti, opened, paddy buying center, medak