ఆ మంత్రితోనే సంగారెడ్డిలో కరోనా వ్యాప్తి : జగ్గారెడ్డి

దిశ, వెబ్ డెస్క్: ఆ మంత్రి తమ ప్రాంతానికి వస్తే కరోనా కూడా వచ్చినట్లేనని కాంగ్రెస్ సీనియర్ నేత, సంగారెడ్డి ఎమ్మెల్యే జగ్గారెడ్డి విమర్శించారు. మంత్రి హరీశ్ రావు వివిధ కార్యక్రమాల పేరుతో సంగారెడ్డికి వచ్చిన సమయంలో ఆయన వెంట వందల మంది ఉంటారని, ఆ సమయంలో కరోనా వ్యాప్తి ఎక్కువగా జరిగే అవకాశం ఉందని ఆయన ఆందోళన వ్యక్తం చేశారు. ఈ సమయంలో మంత్రి తన నియోజకవర్గానికి రావద్దని కోరారు. మీ రాజకీయం, ఇమేజ్ కోసం సంగారెడ్డి ప్రజలను చంపుతారా అని మండిపడ్డారు. సంగారెడ్డి నియోజకవర్గంలో తన పాపులారిటీని తగ్గించాలని హరీశ్ రావు అనుకుంటే… వెంటనే నియోజకవర్గానికి రూ.2వేల కోట్లు కేటాయించాలని సవాల్ విసిరారు.