రూ.750 కోట్లతో లక్ష కల్లాలు

దిశ, మెదక్: రాష్ట్రవ్యాప్తంగా రూ.750 కోట్ల నిధులతో లక్ష కల్లాలను నిర్మించబోతున్నామని మంత్రి హరీశ్‌రావు తెలిపారు. గురువారం సిద్దిపేటలోని సీసీ గార్డెన్స్‌లో చిన్నకోడూర్, నారాయణరావుపేట మండలాల్లోని 350 మంది రైతులకు పట్టాదారు పాసు పుస్తకాలను మంత్రి పంపిణీ చేశారు. ఈ సందర్భంగా హరీశ్‌రావు మాట్లాడుతూ.. రాష్ట్రంలో రూ.60 వేలు, 70 వేలు, 86 వేల రూపాయలతో మూడు కేటగిరిల్లో కల్లాలు నిర్మించనున్నట్లు వెల్లడించారు. ఎస్సీ, ఎస్టీలకు ఉచితంగా, మిగతా వారికి 90 శాతం సబ్సిడీపై ప్రభుత్వం నిధులు మంజూరు చేస్తుందన్నారు.