చత్తీస్‌గఢ్‌ అడవుల్లో ఎన్‌కౌంటర్..

దిశ ప్ర‌తినిధి, ఖ‌మ్మం: చ‌త్తీస్‌గ‌డ్ రాష్ట్రం కొండగావ్ మరియు కంకెర్ జిల్లాల సరిహద్దులో పోలీసులకు మావోయిస్టులకి మ‌ధ్య మంగళవారం ఎదురుకాల్పులు జ‌రిగాయి. దాదాపుగా 4 గంటల పాటు జ‌రిగిన ఈ కాల్పుల్లో ఒక మావోయిస్టు మృతిచెందినట్టు పోలీసులు తెలిపారు. ఘటనా స్థలం నుంచి మావోయిస్టు మృతదేహం, యూనిఫారమ్స్, రోజువారీ సామ‌గ్రి, పెద్ద సంఖ్యలో ఆయుధాలు స్వాధీనం చేసుకున్నట్టు పోలీసులు తెలిపారు. పారిపోయిన మావోయిస్టుల కోసం గాలింపు చర్యలు చేప‌ట్టిన‌ట్లు తెలుస్తోంది.