మోడల్ టౌన్లుగా తాడేపల్లి, మంగళగిరి

దిశ, వెబ్ డెస్క్: తాడేపల్లి, మంగళగిరి పట్టణాలకు మహార్దశ పట్టనుంది. ఈ పట్టణాలను మోడల్ టౌన్లుగా తీర్చిదిద్దడానికి ప్రభుత్వం.. మోడల్ టౌన్ల అభివృద్ధి ప్రాజెక్టు రూపకల్పనకు ఆదేశాలు జారీ చేసింది. ప్రాజెక్ట్ వ్యయంలో 1.25 శాతం చెల్లింపునకు ప్రభుత్వం ఆదేశాలు జారీ చేసింది. ఇప్పటికే రూ.20 కోట్ల నిధులను ఖర్చు చేసేందుకు పరిపాలనా అనుమతులు మంజూరు చేసింది. తాడేపల్లి, మంగళగిరిని రూ.1.173 కోట్లతో అభివృద్ధి చేయాలని ప్రభుత్వం యోచిస్తోంది. ఈ ప్రాజెక్టు నివేదిక బాధ్యతను ప్రభుత్వం ఏపీయూఐఏంఎల్‌కు అప్పగించింది.