అప్పుతిరిగి ఇవ్వమన్నందుకు కొడవలితో నరికాడు
దిశ, వెబ్‌డెస్క్: తీసుకున్న అప్పు తిరిగి చెల్లించమన్నందుకు ఓ వ్యక్తి కొడవలితో దాడి చేశాడు. తిరుపతి సమీపంలోని పీలేరు మండలంలో ఈ దారుణం జరిగింది. వివరాళ్లోకి వెళితే.. బోడుమల్లువారి పల్లెకు చెందిన శంకర్ నారాయణ రెడ్డి పీలేరుకు చెందిన వినోద్ అనే వ్యక్తి అప్పుగా రూ. 5 లక్షలు ఇచ్చాడు.
అయితే, తీసుకున్న అప్పు చెల్లించడంలో వినోద్ నిర్లక్ష్యం వహించాడు. ఎన్ని సార్లు అడిగినా ఎదో ఒక సాకు చెబుతూ తప్పించుకుంటున్నాడు. దీంతో బుధవారం వినోద్ ను శంకర్ నారాయణ గట్టిగా నిలదీశాడు. ఈ నేపథ్యంలోనే ఇరువురి మధ్య ఘర్షణ జరిగింది.
దీంతో ఆగ్రహంతో ఊగిపోయిన వినోద్ ఓ కొడవలి తీసుకొచ్చి శంకర్ నారాయణ రెడ్డి వేటు వేశాడు. ఈ దాడిలో బాధితుడు అక్కడికక్కడే కుప్పకూలాడు. సమాచారం అందుకున్న పోలీసులు ఘటనా స్థలికి చేరుకుని వినోద్ ని అదుపులోకి తీసుకున్నారు. శంకర్ నారాయణ రెడ్డి ప్రస్తుతం పీలేరు ప్రభుత్వ ఆస్పత్రిలో చికిత్స పొందుతున్నాడు.
