చీకటిలో బాలానగర్‌ ఫ్లై ఓవర్.. కట్టిన నెలకేనా..!

దిశ, కూకట్‌పల్లి: వందల కోట్ల వ్యయంతో నిర్మించిన బాలానగర్​ ఫ్లైఓవర్‌పై ఓ వైపు విద్యుత్ దీపాలు వెలగడం లేదు. కొత్త బ్రిడ్జి సంబురం.. మూనాళ్ల ముచ్చటేనా అంటూ పలువురు సోషల్​ మీడియా వేదికగా విమర్శలు చేస్తున్నారు. పట్టుమని నెల రోజులు కూడా కాకుండానే విద్యుత్​ దీపాలు పని చేయక పోవడం అధికారుల నిర్లక్ష్యానికి నిదర్శనమని దుమ్మెత్తి పోస్తున్నారు. స్థానిక టీఆర్ఎస్ నాయకులు బ్రిడ్జి ఎక్కి ఫోటోలు దిగుతూ హడావిడి చేస్తున్నారని.. ఇదే హడావిడి పనులు చేయడంలో చూపించాలని డిమాండ్ చేస్తున్నారు.