viral: ఒంటరిగా బాత్రూమ్‌లోకి వెళ్లిన అమ్మాయి.. ఏవో వింత శబ్దాలు రావడంతో వెళ్లి చూడగా..
దిశ, ఫీచర్స్ : అప్పుడే కాలేజ్ నుంచి వచ్చిన ఆ అమ్మాయి బ్యాగ్ ఇంటిలోని టేబుల్‌పైన పెట్టి ఒంటరిగా బయటకు వెళ్లింది. కుటుంబ సభ్యులంతా ఎవరి పనుల్లో వారు నిమగ్నమై ఉన్నారు. క్షణాలు గడిచాయ్.. నిమిషాలు గడిచాయ్.. బయటకు వెళ్లిన అమ్మాయి ఇంకా తిరిగి రాలేదు. ఇంకెక్కడికి వెళ్తుంది? వాష్ రూమ్‌కే కదా వెళ్లేది. ఇంకా రాలేదేంటి అనే సందేహాలతో అనుమానంగానే బయటకు వచ్చిన సదరు అమ్మాయి తల్లి, నానమ్మ ఒక్కసారిగా షాక్ అయ్యారు. జరగరాని ఘోరం ఏదో జరుగుతోందని గుండె వారి గుండె ఝల్లు మన్నది. ఎందుకంటే ఒంటరిగా బాత్ రూమ్‌లోకి వెళ్లిన అమ్మాయి బయటకు రాకపోగా, అందులోని ఏవో వింత శబ్దాలు, ఆమె అరుపులు వినిపిస్తుండటం వారిని మరింత ఆందోళనకు గురి చేసింది.
కేకలు వేసి, ఇరుగు పొరుగు వారిని పిలిచిన అమ్మాయి కుటుంబ సభ్యులు తమ వాకిట్లో ఉన్న బాత్ రూమ్ తలుపును తెరిచి చూడగా.. ఒక్కసారిగా షాకయ్యారు. ఓ మూలన అమ్మాయి నిలబడి వెక్కి వెక్కి ఏడుస్తోంది. పెద్దగా అరిస్తే ఏదైనా జరుగుతుందేమోనని చిన్నగా కేకలు వేస్తోంది. మరోవైపు ఓ నాగుపాము పడగ విప్పి బుసలు కొడుతోంది. ఓర్నీ ఇంత సేపు తమకు వినబడిన వింత శబ్దాలు ఇవా.. అనుకుంటూ అమ్మాయి కుటుంబ సభ్యులు భయంతో వెంటనే స్నేక్ సేవర్ సొసైటీకి సమాచారం ఇవ్వగా.. ఓ వ్యక్తి వచ్చి బాత్ రూములోని పామును పట్టుకెళ్లాడు. ఆ పాము అమ్మాయిని ఏమీ చేయకపోవడంతో అందరూ ఊపిరి పీల్చుకున్నారు. బీహార్ రాష్ట్రంలోని ఓ మారుమూల గ్రామంలో ఈ సంఘటన జరగగా, అందుకు సంబంధించిన వార్త ప్రజెంట్ నెట్టింట వైరల్ అవుతోంది. దీంతో అసలే వానా కాలం.. బాత్ రూముల్లో పాములు చొరబడే అవకాశం ఉంటుంది. జాగ్రత్తగా ఉండాలని నెటిజన్లు కామెంట్లు పెడుతున్నారు.
