మీ వెంట్రుకలు తెల్లబడుతున్నాయా? తులసి ఆకులతో ఇలా చేస్తే చక్కటి ఫలితాలు మీ సొంతం..
దిశ, ఫీచర్స్ : జుట్టు రాలడానికి బ్యూటీ ఇండస్ట్రీలో చాలా సొల్యూషన్స్ ఉన్నాయి. కానీ అవేవీ జుట్టుకు మంచిది కాదు. సహజ నివారణలను వెతుక్కోవడం మంచిది. కాగా ఈ హెయిర్ కేర్ ప్రాబ్లమ్స్‌కు తులసి విలువైనదిగా చెప్తున్నారు నిపుణులు. బలమైన జుట్టు, చుండ్రు లేకుండా సాఫ్ట్ అండ్ షైనీ హెయిర్ మీ సొంతం అవుతుందని.. ఈ ఆకులను ఇతర నూనెలతో కలిపి జుట్టుకు రాయడం వల్ల వెంట్రుకలు రాలడం తగ్గుతుంది. కుదుళ్లు బలోపేతం అవుతాయి. ఇలా ప్రయత్నించి చూడండి.
తులసి జుట్టుకు మంచిదా?
జుట్టు సంరక్షణ కోసం తులసిని ఉపయోగించడం వల్ల అనేక ప్రయోజనాలు ఉన్నాయి. యాంటీమైక్రోబయల్, యాంటీ ఇన్ఫ్లమేటరీ, యాంటీఆక్సిడెంట్ లక్షణాలను కలిగిన తులసి.. చుండ్రును తగ్గిస్తుంది. రక్త ప్రసరణను మెరుగుపరచడం ద్వారా, ఆక్సీకరణ ఒత్తిడిని తగ్గించడం ద్వారా తలపై చికాకును తగ్గిస్తుంది. తద్వారా జుట్టు పెరుగుదలను ప్రోత్సహిస్తుంది. దీని నేచురల్ యాంటీ ఫంగల్ రియాక్షన్ తలపై ఇన్ఫెక్షన్ల ప్రమాదాన్ని కూడా తగ్గిస్తుంది. జుట్టు రాలడం, త్వరగా నెరయకుండా కాపాడటానికి తులసిని విస్తృతంగా ఉపయోగిస్తారు. కాస్టర్ ఆయిల్‌తో కలిపి ఉపయోగించినప్పుడు.. ఇది జుట్టు పేనులకు నివారణగా పనిచేస్తుందని రీసెర్చ్ జర్నల్ ఆఫ్ టాపికల్ అండ్ కాస్మెటిక్ సైన్సెస్‌లో ప్రచురించబడిన ఈ అధ్యయనం పేర్కొంది.
1. జుట్టు పెరుగుదల
తులసిలో విటమిన్ కె, ఐరన్, యాంటీఆక్సిడెంట్లు ఉన్నాయి. ఇవి తలలో రక్త ప్రసరణను మెరుగుపరచడంలో సహాయపడతాయి. జుట్టు సంరక్షణ కోసం తులసిని ఉపయోగించడం వల్ల రక్త ప్రవాహం పెరుగుతుంది. దీనివల్ల జుట్టు కుదుళ్లకు పోషణ లభిస్తుంది. ఇది హెల్తీ హెయిర్ పెరుగుదలను ప్రోత్సహిస్తుంది. జుట్టు సన్నబడకుండా నిరోధిస్తుంది. ఈ మూలిక జుట్టు రాలడానికి ముఖ్యమైన కారణమైన ఆక్సీకరణ ఒత్తిడిని తగ్గించడంలో కూడా సహాయపడుతుంది.
2. చుండ్రు నుంచి ఉపశమనం
తులసిలో బలమైన యాంటీమైక్రోబయల్, యాంటీ ఫంగల్ లక్షణాలు.. చుండ్రుకు కారణమయ్యే శిలీంధ్రాలు మలాసెజియాతో పోరాడుతాయి. హెయిర్ మాస్క్‌లు, ఆయిల్ ఇన్ఫ్యూషన్‌ల కోసం తులసిని ఉపయోగించడం వల్ల చుండ్రును ఎదుర్కోవచ్చు. మీ తలను శుభ్రంగా, ఆరోగ్యంగా ఉంచుతూ.. దురదను తగ్గిస్తుంది.
3. జుట్టు కుదుళ్లు బలం
తులసిలో యాంటీఆక్సిడెంట్లు, హెయిర్ షాఫ్ట్‌లను బలోపేతం చేయడానికి సహాయపడే ముఖ్యమైన పోషకాలు ఉన్నాయి. వీటిని తలకు అప్లయ్ చేయడం వల్ల విరిగిపోయే, చివర్లు చిట్లిపోయే అవకాశం తక్కువగా ఉంటుంది. ఆక్సీకరణ ఒత్తిడి, ఫ్రీ రాడికల్ నష్టాన్ని తగ్గించడం బలమైన, భారీ జుట్టును ప్రోత్సహించడంలో సహాయపడుతుంది.
4. ఇన్ఫెక్షన్ల నివారణ
జుట్టు సంరక్షణ కోసం తులసిని ఉపయోగించే విషయానికి వస్తే.. దాని యాంటీ బాక్టీరియల్, యాంటీ ఫంగల్ లక్షణాల నుంచి అతిపెద్ద ప్రయోజనం లభిస్తుంది. ఈ మొక్కను ఉపయోగించడం వల్ల ఫోలిక్యులిటిస్ (ఎర్రబడిన జుట్టు కుదుళ్లు), ఇతర సూక్ష్మజీవుల సమస్యలు వంటి తలలో ఇన్ఫెక్షన్లను నివారించడంలో సహాయపడుతుంది. స్థిరమైన జుట్టు పెరుగుదలను నిర్వహించడానికి, జుట్టు రాలడాన్ని తగ్గించడానికి హెల్ప్ చేస్తుంది.
