Shivratri : శివరాత్రికి పండ్లు కొనాలనుకుంటున్నారా ? వాటిపై నంబర్లకు అర్థమేంటో తెలుసా?

దిశ, ఫీచర్స్ : ఆరోగ్యమే మహా భాగ్యం అంటారు పెద్దలు. ఆహారపు అలవాట్లు కూడా ఇందులో కీ రోల్ పోషిస్తాయి. మనం ఏం తింటున్నామనే దానిని బట్టి హెల్త్ ప్రభావితం అవుతుంది. అందుకే శరీరానికి తగిన పోషకాలు లభించే పండ్లను అప్పుడప్పుడైనా తినాలంటున్నారు నిపుణులు. అయితే మార్కెట్లో పండ్లు కొనుగోలు చేసేటప్పుడు వాటిపై స్టిక్కర్లు, నంబర్లు ఉండటాన్ని మీరెప్పుడైనా గమనించారా?.. అవి ఎందుకు ఉంటాయో తెలుసా? శివరాత్రికి పండ్లు కొనుగోలు చేసేముందు తప్పక మీరు తెలుసుకోవాల్సిన విషయాలివే..

అసలు విషయం ఇదీ..

మార్కెట్లో గమనించినట్లయితే యాపిల్, ఆరెంజ్ పండ్లపైనే ఎక్కువ సందర్భాల్లో స్టిక్కర్లు కనిపిస్తుంటాయి. ఇవి ఎందుకు ఉంటాయంటే.. వాటిని పండించిన విధానం, అలాగే మన ఆరోగ్యానికి సంబంధించిన సూచికలుగా నిపుణులు పేర్కొంటున్నారు. ముఖ్యంగా స్టిక్కర్లపై గల నంబర్లు పండ్ల క్వాలిటీని, పండించిన తీరును తెలియజేస్తాయి. అంటే వాటిని సేంద్రీయ పద్ధతుల్లో పండించారా? లేక కెమికల్స్ ఉపయోగించారా అనేది ఈ స్టిక్కర్లపై ఉండే నంబర్లను బట్టి తెలుసుకోవచ్చు.

* నంబర్ 4 : కొన్ని రకాల పండ్లపై అంటించిన స్టిక్కర్లకు 4 అంకెతో ప్రారంభమైన సంఖ్య ఉంటుంది. ఉదాహరణకు 4879 లేదా 4058 ఇలా కనిపిస్తుంటాయి. ఇక్కడ గుర్తుంచుకోవాల్సింది ఏంటంటే.. నాలుగు నంర్‌తో ప్రారంభమైన స్టిక్కర్ కలిగి ఉన్నప్పుడు ఆ పండ్లు పురుగు మందులు, వివిధ రకాల రసాయనాలను పిచికారి చేయడం ద్వారా పండించారని అర్థం. అందుకే వీటిని తక్కువ ధరకు కూడా అమ్ముతుంటారు. కొనాలో వద్దో మీరే డిసైడ్ చేసుకోండి.

నంబర్ 8 : మొదటి అంకె 8 నంబర్‌తో ప్రాంరభమైన స్టిక్కర్ ఉన్న పండ్లకు అర్థం ఏంటంటే.. అవి జన్యు మార్పిడి ద్వారా పండించినవి. అంటే సహజమైనవి కావు. సాధారణ పురుగు మందుల పిచికారితో పండించినవి కాబట్టి రసాయనాలు పిచికారి చేసిన పండ్లకంటే కాస్త ఎక్కవ ధర పలుకుతాయి.

నంబర్ 9 : పండ్లపై 9 అంకెతో ప్రారంభమైన స్టిక్కర్ ఉంటే గనుక ఆ పండ్లను పురుగు మందులు, కెమికల్స్ వంటివి ఏమాత్రం ఉపయోగించకుండా, పూర్తి సేంద్రియ పద్ధతిలో పండించారని అర్థం అంటున్నారు నిపుణులు. ఉదాహరణకు యాపిల్, ఆరెంజ్ పండ్లపై 98265 వంటి నంబర్ ఉంటే గనుక అవి సహజ సిద్ధంగా పండించినవి. కాబట్టి వీటి ధర కూడా ఎక్కువగా ఉంటుంది.

*నోట్ : పైవార్తలోని సమాచారం ఇంటర్నెట్ ఆధారంగా సేకరించబడింది. అనుమానాలు ఉంటే నిపుణులను సంప్రదించగలరు.