పోలీసులనే కారుతో ఢీకొట్టేందుకు ప్రయత్నించారు

దిశ, వెబ్ డెస్క్: జగిత్యాల జిల్లా కేంద్రంలో గుట్కా మాఫియా బీభత్సం సృష్టించింది. తనిఖీలు నిర్వహిస్తున్న పోలీసులను కారుతో ఢీకొట్టేందుకు దుండగులు ప్రయత్నించారు. ఈ క్రమంలో రహదారిపై ఉన్న పలు వాహనాలను వారు కారుతో ఢీకొట్టారు. వాళ్లను వెంబడించిన పోలీసులు కారును ఛేజ్ చేసి కారులో రూ. 3 లక్షల విలువైన గుట్కా ప్యాకెట్లను స్వాధీనం చేసుకున్నారు. పోలీసులకు చిక్కకుండా తప్పించుకున్న స్మగ్లర్లు బైపాస్ రోడ్డులో కారును వదిలేసి పరారయ్యారు. తప్పించుకున్న స్మగ్లర్ల కోసం పోలీసులు తీవ్రంగా గాలిస్తున్నారు.