కియారతో కార్తీక్ ఆర్యన్ నైట్ షూట్

దిశ, సినిమా : అక్షయ్ కుమార్, విద్యా బాలన్ హీరో హీరోయిన్లుగా వచ్చిన హర్రర్ కామెడీ ‘భూల్ భులయ్యా’ సూపర్ హిట్ కాగా, ప్రస్తుతం ఈ సినిమాకు సీక్వెల్ తీస్తున్న విషయం తెలిసిందే. అనీస్ బాజ్మీ దర్శకత్వంలో కార్తీక్ ఆర్యన్, కియారా అద్వానీ, టబు మెయిన్ లీడ్స్‌గా ‘భూల్ భులయ్యా 2’ తెరకెక్కుతోంది. ప్రస్తుతం శరవేగంగా షూటింగ్ జరుపుకుంటున్న ఈ మూవీకి సంబంధించిన కీలక సన్నివేశాలను నైట్ టైమ్‌లో చిత్రీకరిస్తున్నట్లు హీరో కార్తీక్ ఆర్యన్ ఇన్‌స్టా వేదికగా తెలిపారు. ఈ మేరకు ‘నైట్ కెమెరా యాక్షన్’ క్యాప్షన్‌తో షూటింగ్ ఫొటోలు షేర్ చేసిన కార్తీక్.. మంచు ప్రదేశంలో యూనిట్ సభ్యులతో కలిసి ఎంజాయ్ చేసిన ఫొటోలను మరో పోస్టులో పంచుకున్నాడు. కాగా ఈ మూవీని నవంబర్‌లో రిలీజ్ చేయాలని భావిస్తున్నారట మేకర్స్.