కంగనాకు పువ్వులు, నేతి లడ్డూలు పంపిన న్యూ కపుల్స్.. 

దిశ, సినిమా : కత్రినా-విక్కీ కౌశల్ వివాహం ఇటీవలే ఘనంగా జరిగిన సంగతి తెలిసిందే. అయితే ఒమిక్రాన్ నేపథ్యంలో అతి తక్కువ మంది కుటుంబ సభ్యులు, సన్నిహితుల సమక్షంలోనే ఈ వేడుక నిర్వహించారు. దీంతో పెళ్లికి ఆహ్వానం అందని సినీ తారలందరికీ ఈ కొత్త జంట ఇప్పుడు రిటర్న్‌ గిఫ్ట్‌లు పంపిస్తోంది.

ఈ గిఫ్ట్ బాక్స్‌లో నాలుగు రకాల పంజాబీ స్వీట్స్‌‌తో ఫాటు థాంక్యూ లెటర్‌ కూడా ఉంది. ఈ క్రమంలోనే కంగనా రనౌత్‌, తనకు పంపిన స్పెషల్ గిఫ్ట్ బాక్స్ గురించి తెలియజేస్తూ.. ‘న్యూ కపుల్ విక్కీ-కత్రినా నుంచి సువాసనతో కూడిన పువ్వులు, రుచికరమైన నేతి లడ్డూలు అందాయి. థాంక్యూ అండ్ హార్టీ కంగ్రాచులేషన్స్’ అని పోస్ట్‌ చేసింది. ఇక వివాహం తర్వాత ఈ జంట హనీమూన్‌ కోసం విదేశాలకు వెళ్లినట్లు తెలుస్తుండగా.. అభిమానులతో పాటు సెలబ్రిటీలు శుభాకాంక్షలు తెలుపుతున్నారు.