మళ్లీ హోస్ట్‌గా ఎన్టీఆర్.. రెమ్యునరేషన్ తెలిస్తే షాక్!
దిశ, వెబ్‌డెస్క్: వెండి తెరపైనే కాకుండా బుల్లి తెరపై కూడా యంగ్ టైగర్‌ ఎన్టీఆర్ అందరినీ అలరించారు. బిగ్‌బాస్1 సీజన్‌లో హోస్ట్‌గా వ్యవహరించిన ఎస్టీఆర్ బుల్లితెర అభిమానుల నుంచి విశేష ఆదరణ చూరగొన్నాడు. తాజాగా బుల్లితెర మీద మరోసారి హోస్ట్‌గా కనిపించేందుకు సిద్ధమవుతున్నాడు. హిందీతో(కౌన్ బనేగా కరోడ్ పతి) పాటు తెలుగులోనూ విజయవంతం అయిన ‘మీలో ఎవరు కోటీశ్వరుడు’ షోకు ఎన్టీఆర్ హోస్ట్‌గా వ్యవహరించనున్నారు. అయితే ఎన్టీఆర్‌ను ఒప్పించడంలో జెమినీ టెలివిజన్ తనదైన శైలిలో పావులు కదిపినట్టు సమాచారం.
అయితే, తనకు ఉన్న సినిమా కమిట్‌మెంట్స్ కారణంగా తొలుత అంగీకరించలేదని, అనంతరం షరతులపై అంగీకరించినట్టు సమాచారం. ఈ నేపథ్యంలో ప్రముఖ టెలివిజన్ ఎంటర్‌టైన్‌మెంట్ ఛానెల్ జెమినీ టీవీలో రాబోతున్న ‘మీలో ఎవరు కోటీశ్వరుడు’ సీజన్-5కు ఎన్టీఆర్ హోస్ట్‌గా వ్యవహించనున్నారు. కాగా, ఈ షోకు సంబంధించి, ఎంట్రీలు మార్చి మొదటివారంలో ఉంటాయని, ఏప్రిల్ ద్వితీయార్థంలో ఈ షో స్టార్ట్ కానుంది యాజమాన్యం తెలిపినట్టు సమాచారం. అంతేగాకుండా, ఒక్కొక్క ఎపిసోడ్‌కి ఎన్టీఆర్ రూ.30లక్షల రెమ్యునరేషన్ ఇస్తున్నట్టు టాక్. ఈ వార్తతో జూనియర్ ఎన్టీఆర్ అభిమానులు పండగ చేసుకుంటున్నారు.
