మెడికల్ కాలేజీ ఫీజుల సవరణ

దిశ, వెబ్‎డెస్క్:
ఏపీ ప్రభుత్వం ప్రైవేట్ మెడికల్ కాలేజీ ఫీజులను ఖరారు చేసింది. 2020 నుంచి 2023 విద్యా సంవత్సరాలకు సంబంధించి ఎంబీబీఎస్, బీడీఎస్, సూపర్ స్పెషాలిటీ కోర్సుల ఫీజులను సవరిస్తూ రాష్ట్ర ప్రభుత్వం ఉత్తర్వులు జారీ చేసింది. గతంలో రూ.12,155 గా ఉన్న ఎంబీబీఎస్ కన్వీనర్ కోటా ట్యూషన్ ఫీజును రూ.15 వేలకు పెంచారు. రూ.13.57 లక్షలు ఉన్న బీ-కేటగిరి ఫీజును రూ.12 లక్షలకు తగ్గించారు. ఇక రూ.33 లక్షలుగా ఉన్న ఎన్నారై కోటా ఫీజును రూ.36 లక్షలుగా సవరించారు. సూపర్ స్పెషాలిటీ కోర్సుల ఫీజును రూ. 15 లక్షలకు సవరించారు. ఈ ఫీజులు అన్ ఎయిడెడ్, మైనారిటీ, నాన్ మైనారిటీ కాలేజీలకు వర్తిస్తాయని జీవోలో పేర్కొంది.