కలెక్టరేట్ ఎదుట రైతు ఆమరణ దీక్ష..!
దిశప్రతినిధి, ఆదిలాబాద్: ఆరుగాలం శ్రమించి పండించిన పంటను అమ్ముకుంటే డబ్బులు ఇవ్వకుండా, పంచుకు తిన్నారని ఆరోపిస్తూ ఓ రైతు జిల్లా కలెక్టరేట్ ఎదుట ఆమరణ నిరాహార దీక్షకు దిగాడు. నిర్మల్ జిల్లా సారంగాపూర్ మండలం ఆలూరుకు చెందిన రాజేశ్వర్ అనే రైతు గత సీజన్లో పండించిన వరి ధాన్యాన్ని డీసీఎంఎస్ సెంటర్లో అమ్ముకున్నాడు.
కొనుగోలు కేంద్రంలో తన ధాన్యం నుంచి తరుగు పేరిట కొనుగోలుదారు మోసం చేయడమే కాకుండా, 20 క్వింటాళ్ళ ధాన్యం డబ్బులు ఇవ్వలేదని రైతు ఆరోపించారు. గతంలో ఈ విషయమై జాయింట్ కలెక్టర్కు ఫిర్యాదు చేసిన చర్యలు తీసుకోలేదని వాపోయారు. తనకు వెంటనే డబ్బులు ఇప్పించాలని.. తనకు న్యాయం జరిగే వరకు ఆమరణ దీక్ష కొనసాగిస్తానని రైతు స్పష్టం చేశారు.
Next Story
