‘కోబ్రా’ కోసం వెయిటింగ్..

అదేంటీ..‘కోబ్రా’ కోసం ఎదురుచూడటమేంటీ..అనుకుంటున్నారా? అవునండీ..నిజమే అయితే, ఇది విషపూరిత నాగుపాము కోసం ఎదురుచూపు కాదండోయ్..తన ప్రతి మూవీలో వైవిధ్యాన్ని చూపే నటుడు విక్రం నటిస్తున్న ‘కోబ్రా’ చిత్రం ఫస్ట్ లుక్ కోసం. అజయ్ జ్ఞానముత్తు డైరెక్షన్‌లో వస్తున్న ఈ చిత్రంలో శ్రీనిధి శెట్టి, క్రికెటర్ ఇర్ఫాన్ పఠాన్ తదితరులు నటిస్తుండగా, 7 స్క్రీన్ సంస్థ నిర్మిస్తోంది. ఇందులో విక్రం 12 పాత్రల్లో నటిస్తుండటం విశేషం. ఏఆర్ రెహ్మాన్ సంగీతం సమకూరుస్తున్న ఈ చిత్రం ఫస్ట్‌లు‌క్ ఈ నెల 28న విడుదల చేయాల్సి ఉండగా, అది వాయిదా పడినట్టు చిత్రబృందం తెలిపింది. దీంతో విక్రమ్, సినీ అభిమానులు ఈ మూవీ ఫస్ట్ లుక్ కోసం ఆసక్తిగా ఎదురు చూస్తున్నారు.