మాలీవుడ్‌కు బాలీవుడ్ హీరోయిన్
దిశ, సినిమా: సౌత్ హీరోయిన్స్ అందరూ బాలీవుడ్‌కు ఎంట్రీ ఇస్తున్న తరుణంలో బాలీవుడ్ హీరోయిన్ సౌత్ ప్రాజెక్ట్‌కు సైన్ చేసింది. కంటెంట్ ప్రధానంగా తెరకెక్కే మాలీవుడ్‌ సినిమాలు చాలా ప్రభావితం చేస్తాయని.. అందుకే తనకు వచ్చిన అవకాశాన్ని వదులుకోదలుచుకోలేదని అంటోంది బాలీవుడ్ దివా డయానా పెంటీ. తను చేయబోయే సినిమాలో క్యారెక్టర్‌కు స్పెషల్ ఇంపార్టెన్స్ ఉందని.. అలాంటి పాత్రలు చేసే అవకాశం మళ్లీ మళ్లీ రాదని చెప్తోంది. చాలా హ్యాపీగా మలయాళం సినిమా జర్నీ స్టార్ట్ చేశానని సోషల్ మీడియా ద్వారా షేర్ చేసిన భామ.. దుల్కర్ సల్మాన్ హీరోగా రోషన్ ఆండ్రూస్ దర్శకత్వంలో వస్తున్న సినిమాలో ఫిమేల్ లీడ్‌గా నటిస్తున్నట్లు తెలిపింది. ఈ మూవీ యూనిట్‌తో కలిసి పనిచేసేందుకు ఎగ్జైటింగ్‌గా ఉన్నట్లు తెలిపిన డయానా.. ఈ మేరకు ‘చీర్స్ టు న్యూ బిగినింగ్స్’ అంటూ షూటింగ్‌లో జాయిన్ అయిన పిక్స్ షేర్ చేసింది.
దుల్కర్ సల్మాన్ సమర్పణలో వేఫారర్ ఫిల్మ్స్ నిర్మిస్తున్న ఈ సినిమాకు బాబీ – సంజయ్ స్క్రిప్ట్ అందిస్తున్నారు. ఇక ఈ ట్వీట్‌పై స్పందించిన దుల్కర్.. మాలీవుడ్‌కు వెల్‌కమ్ చెప్పారు. తను ఈ సినిమాలో భాగమైనందుకు సంతోషంగా ఉందని వెల్లడించారు. కాగా ‘కాక్‌టెయిల్’ సినిమాతో బాలీవుడ్ ఎంట్రీ ఇచ్చిన డయానా పెంటీ.. ‘హ్యాపీ భాగ్ జాయెగి’, ‘లక్నో సెంట్రల్’, ‘షిద్దత్ : జర్నీ బియాండ్ లవ్’ లాంటి సినిమాల్లో నటించింది.
https://twitter.com/dulQuer/status/1359038641981583361?s=20
