సడెన్ గా ఊళ్లోకి వచ్చిన మొసలి.. చూసి షాకైన ప్రజలు

దిశ ప్రతినిధి, మహబూబ్ నగర్: వనపర్తి జిల్లాలో ఓ మొసలి హల్ చల్ చేసింది. ఊరిలోకి సడెన్ ఎంట్రీ ఇచ్చి ప్రజలను ఆందోళనకు గురి చేసింది. వివరాల్లోకి వెళితే.. జిల్లాలో పుల్గర్ చర్ల గ్రామానికి చెందిన కొందరు వ్యక్తులు గురువారం తెల్లవారుజామున తమ వ్యవసాయ పొలాల వద్ద మొసలిని గుర్తించారు. ఈ విషయాన్ని గ్రామ ప్రజలకు తెలియజేశారు. అనంతరం ఫారెస్ట్ అధికారులకు తెలియజేశారు. విషయం తెలుసుకున్న ఫారెస్ట్ అధికారులు అక్కడి చేరుకుని మొసలిని బంధించి బీచుపల్లి వద్ద కృష్ణానదీలో వదిలారు.