BREAKING: పంజాగుట్టలో భారీగా డ్రగ్స్ పట్టివేత.. పోలీసుల అదుపులో ఇద్దరు నిందితులు

దిశ, వెబ్‌డెస్క్: డ్రగ్స్ తరలిస్తున్నారనే సమాచారం మేరకు పంజాగుట్టలో ఇద్దరిని పోలీసులు అదుపులోకి తీసుకున్నారు. ఈ మేరకు వారి నుంచి భారీ ఎత్తున గంజాయి, డ్రగ్స్‌ను స్వాధీనం చేసుకున్నారు. పట్టుబడిన నిందితుల్లో ఒకరు పాలస్తీనాకు చెందిన సయీద్ అలీ కాగా, ముంబై నగరానికి చెందిన రోమి కూడా ఉన్నారు. అయితే, వీరిద్దరికి ఇప్పటి వరకు డగ్స్ కేసులో అరెస్ట్ అయిన, హైదరాబాద్‌కు చెందిన 31 మంది నిందితులు, పలు నగరాల డ్రగ్స్ స్మగ్లర్లతో సంబంధాలు ఉన్నట్లుగా ప్రాథమిక విచారణలో వెల్లడైంది. అదేవిధంగా నిందితుల నుంచి 4.75 గ్రాముల ఎక్స్టోసి పిల్స్, 5.18 గ్రాముల ఎండీఎంఏ, 109 గ్రాముల గంజాయి, రెండు ఫోన్లను పోలీసులు స్వాధీనం చేసుకున్నారు.